టీజర్ దెబ్బకి 30కోట్ల బిజినెస్..!
on Aug 13, 2014
మాస్ మహారాజ రవితేజ 'పవర్' సినిమా షూటింగ్ ఓ పాట చిత్రీకరణ మినహా మొత్తం కంప్లీట్ అయింది. ఇప్పటివరకు సైలెంట్ గా షూటింగ్ పూర్తి చేసుకుంటున్న ఈ సినిమాకి రీసెంట్ గా రిలీజ్ చేసిన ట్రైలర్స్ తో కావల్సిన పవర్ వచ్చి చేరింది. అసలు విషయం ఏమిటంటే..రవితేజ వరుస ఫ్లాప్ లతో సతమతమవుతున్న టైంలో బలుపుతో మళ్ళీ ట్రాక్ లోకి వచ్చాడు. ఆ తరువాత కొత్త దర్శకుడితో 'పవర్' సినిమాని స్టార్ట్ చేశాడు. రవితేజ 'పవర్'తో బయటపడవచ్చని నిర్మాతలు కూడా భావించారు. అయితే కొత్త దర్శకుడు కావడంతో సినిమా షూటింగ్ మొదలుపెట్టినప్పటి నుంచి డిస్టిబ్యూటర్స్ ఆ సినిమాని పట్టించుకోలేదు. దీంతో వారు కొంత కలవరానికి గురవుతున్న టైంలో 'పవర్' టీజర్స్ రిలీజై సినిమాకి మంచి క్రేజ్ తెచ్చాయి. పక్కా మాస్ మసాలా చిత్రంగా ఈ చిత్రం రూపొందిందని టాక్ తేవటంలో దర్శకుడు సక్సెస్ అయ్యాడు. ఈ నేపధ్యంలో ఈ చిత్రం ప్రీ రిలీజ్ బిజినెస్ ఊపందుకుంది. రవితేజ కేరియార్ లోనే రికార్డ్ ప్రీ రిలీజ్ బిజినెస్ ఈ సినిమా చేసిందట. ఇండస్ట్రీ వర్గాల సమాచారం ప్రకారం..ఈ సినిమా వరల్డ్ వైడ్ బిజినెస్ 23.5 కోట్లు జరిగిందట. నైజాం 7.5కోట్లు, ఎపి రైట్స్ 12కోట్లు, కర్ణాటక 2కోట్లు, ఓవర్ సీస్, మిగిలిన ఇండియా రైట్స్ కలిపి 2 కోట్లు పలికాయట. ఇక ఆడియో,శాటిలైట్ రైట్స్ కలిపి 7.5కోట్లు చేశాయట. మొత్తం కలిపి 30కోట్ల బిజినెస్ రాబట్టిన ఫుల్ ఖుషీగా వున్నారట.