'మోడరన్ లవ్ హైదరాబాద్'.. నలుగురు దర్శకులు, ఆరు కథలు
on Jun 22, 2022
'మోడరన్ లవ్ ముంబై'కి వచ్చిన విశేషమైన స్పందన తర్వాత 'మోడరన్ లవ్ హైదరాబాద్'తో అలరించడానికి సిద్ధమవుతోంది ప్రముఖ ఓటీటీ సంస్థ అమెజాన్ ప్రైమ్ వీడియో. ఈ సిరీస్ జూలై 8 నుంచి ప్రైమ్ వీడియోలో స్ట్రీమింగ్ కానుంది.
'ది న్యూయార్క్ టైమ్స్' కాలమ్ నుండి ప్రేరణ పొంది రూపొందించిన 'మోడరన్ లవ్' ఆంథాలజీ సిరీస్ అంతర్జాతీయంగా ప్రశంసలు అందుకుంది. దాని ఆధారంగానే 'మోడరన్ లవ్ ముంబై', 'మోడరన్ లవ్ హైదరాబాద్' తెరకెక్కాయి. 'మోడరన్ లవ్ హైదరాబాద్' కోసం నలుగురు టాలెంటెడ్ డైరెక్టర్స్ నగేష్ కుకునూర్, వెంకటేష్ మహా, ఉదయ్ గుర్రాల, దేవికా బహుధనం చేతులు కలిపారు. మోడ్రన్ లవ్ హైదరాబాద్ ఆధునిక మరియు సాంస్కృతికంగా శక్తివంతమైన హైదరాబాద్ నగరంలో సెట్ చేయబడిన విభిన్న కోణాలు మరియు ప్రేమ రూపాలను అన్వేషించే ఆరు విభిన్న కథలను చెబుతుంది. ఈ సిరీస్లో రేవతి, నిత్యా మీనన్, ఆది పినిశెట్టి, రీతూ వర్మ, అభిజిత్ దుద్దాల, మాళవిక నాయర్, సుహాసిని మణిరత్నం, నరేష్ అగస్త్య, ఉల్కా గుప్తా, నరేష్ మరియు కోమలీ ప్రసాద్ వంటి అద్భుతమైన నటీనటులు నటించారు.
SIC ప్రొడక్షన్స్ బ్యానర్పై నిర్మించబడిన 'మోడరన్ లవ్ హైదరాబాద్'ను ఎలాహే హిప్టూలా నిర్మించారు. ఈ సిరీస్కి షోరన్నర్గా నగేష్ కుకునూర్ ఉన్నారు. ఈ సిరీస్ ప్రైమ్ వీడియోలో జులై 8 నుండి 240కి పైగా దేశాల్లో అందుబాటులో ఉంటుంది.
Also Read