హిట్-3 బుకింగ్స్.. ఇది అసలు ఊహించలేదు!
on Apr 26, 2025
న్యాచురల్ స్టార్ నాని (Nani) కొంతకాలంగా యాక్షన్ బాట పట్టాడు. ఇప్పటికే 'దసరా', 'సరిపోదా శనివారం' వంటి యాక్షన్ సినిమాలతో సక్సెస్ లను చూశాడు. ఇక ఇప్పుడు 'హిట్-3'తో పూర్తి వయలెంట్ గా మారిపోయాడు. నిజానికి నానికి ఫ్యామిలీ హీరో ఇమేజ్ ఉంది. నాని సినిమాలు చూడటానికి ఫ్యామిలీ ఆడియన్స్ ఆసక్తి చూపిస్తుంటారు. అలాంటి నాని ఇంత వయలెంట్ మూవీ చేయడంతో.. ఫ్యామిలీ ఆడియన్స్ దూరమయ్యే అవకాశముందనే అభిప్రాయాలు వ్యక్తమయ్యాయి. అయితే నాని మాత్రం.. ఈ సినిమా విషయంలో ఫ్యామిలీ ఆడియన్స్ ప్లేస్ ని యాక్షన్ థ్రిల్లర్ జానర్ ను ఇష్టపడే ప్రేక్షకులు భర్తీ చేస్తాడని నమ్మాడు. విభిన్న సినిమాలు చేస్తేనే, అన్ని వర్గాల ప్రేక్షకులకు చేరువ అవుతామనేది నాని నమ్మకం. ఆ నమ్మకాన్ని హిట్-3 నిజం చేసేలా ఉంది. (Hit 3 Bookings)
నాని లీడ్ రోల్ లో శైలేష్ కొలను డైరెక్షన్ లో తెరకెక్కిన మూవీ 'హిట్-3'. హిట్ ఫ్రాంచైజ్ నుంచి వస్తున్న ఈ చిత్రం మే 1న థియేటర్లలో అడుగుపెట్టనుంది. తాజాగా బుకింగ్స్ ఓపెన్ కాగా, సూపర్ రెస్పాన్స్ వస్తోంది. ఇంకా అన్ని థియేటర్లలో బుకింగ్స్ ఓపెన్ కాకుండానే.. వేలల్లో టికెట్స్ సేల్ అవుతూ ట్రెండింగ్ లోకి వచ్చేసింది. ఇక పూర్తిస్థాయిలో బుకింగ్స్ ఓపెన్ అయితే, ఏ రేంజ్ రెస్పాన్స్ ఉంటుందో ప్రత్యేకంగా చెప్పనక్కర్లేదు. ప్రస్తుత ట్రెండ్ చూస్తుంటే ఈ మూవీ రికార్డు ఓపెనింగ్స్ రాబట్టే అవకాశముంది. మొదటి రోజు ప్రపంచవ్యాప్తంగా రూ.25 కోట్ల గ్రాస్ రాబట్టే ఛాన్స్ ఉందని ట్రేడ్ వర్గాలు అంచనా వేస్తున్నాయి. అదే జరిగి, సినిమాకి పాజిటివ్ టాక్ కూడా వస్తే.. నాని మరోసారి రూ.100 కోట్ల గ్రాస్ క్లబ్ లో చేరే అవకాశముంది. గతంలో 'దసరా', 'సరిపోదా శనివారం' సినిమాలు ఈ ఫీట్ సాధించాయి.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
