బన్నీ భామతో చెర్రీ రొమాన్స్ కి సిద్దం
on Jul 11, 2013
రాంచరణ్ హీరోగా "మిర్చి" దర్శకుడు కొరటాల శివ దర్శకత్వంలో ఓ చిత్రం తెరకెక్కనున్న విషయం అందరికి తెలిసిందే. అయితే ఈ చిత్రంలో చరణ్ సరసన హీరోయిన్ గా కేథరిన్ ను ఎంపిక చేశారు. "ఇద్దరమ్మాయిలతో" చిత్రంలో తన అందాలతో కుర్రకారు మనసు దోచుకున్న కేథరిన్ ఈ చిత్రంలో మరింత అందాలను అరబోయనుందట. పరమేశ్వర ఆర్ట్స్ బ్యానర్ లో బండ్ల గణేష్ నిర్మించనున్న ఈ చిత్రానికి థమన్ సంగీతం అందించనున్నాడు. ఆగష్టు మూడో వారంలో ఈ ప్రాజెక్ట్ సెట్స్ పైకి వెళ్లనుంది.
ప్రస్తుతం చరణ్ "ఎవడు" చిత్ర షూటింగ్ లో బిజీగా ఉన్నాడు. ఈ చిత్రాన్ని దిల్ రాజు నిర్మిస్తుండగా, వంశీ పైడిపల్లి దర్శకత్వం వహిస్తున్నాడు. త్వరలోనే ఈ చిత్రం విడుదల కానుంది.