'మాచర్ల'లో అంజలి ఐటమ్ సాంగ్
on Jul 3, 2022
'సరైనోడు' మూవీలో 'బ్లాక్ బస్టర్' అనే స్పెషల్ సాంగ్ లో అంజలి చిందేసి అలరించింది. ఆ సాంగ్, ఆ సినిమా రెండు బ్లాక్ బస్టర్ అయ్యాయి. ఇప్పుడు మరో మూవీలో స్పెషల్ సాంగ్ లో అలరించడానికి సిద్ధమైంది అంజలి.
నితిన్, కృతి శెట్టి జంటగా రాజశేఖర్ రెడ్డి దర్శకత్వంలో రూపొందుతోన్న సినిమా 'మాచర్ల నియోజకవర్గం'. కేథరిన్ థ్రెసా కీలక పాత్రలో నటిస్తున్న ఈ సినిమా ఆగష్టు 12న ప్రేక్షకుల ముందుకు రానుంది. ఇప్పుడు ఈ సినిమాకి అంజలి రూపంలో మరో అదనపు ఆకర్షణ తోడైంది.
'మాచెర్ల నియోజకవర్గం'లో అంజలి స్పెషల్ సాంగ్ చేస్తున్నట్లు తెలుపుతూ తాజాగా ఓ పోస్టర్ ను విడుదల చేశారు. అందులో అంజలి లుక్ ఆకట్టుకుంటోంది. ఆమె చాలా గ్లామరస్ గా ఉంది. ఈ సాంగ్ విడుదలకి సంబంధించిన అప్డేట్ రేపు రానుంది. మరి అంజలి స్పెషల్ సాంగ్ చేస్తున్న మాచర్ల కూడా బ్లాక్ బస్టర్ అవుతుందేమో చూద్దాం.
Also Read