బన్నీ పుట్టినరోజు కానుక
on Apr 8, 2014
టాలీవుడ్ లో తనకంటూ ఓ బ్రాండ్ ను సొంతం చేసుకొని, అభిమానుల గుండెల్లో టాలీవుడ్ స్టైలిష్ స్టార్ గా పేరు దక్కించుకున్న ఏకైక నటుడు అల్లు అర్జున్. అందరూ "బన్నీ" అని ముద్దుగా పిలుచుకుంటారు. నేడు బన్నీ పుట్టినరోజు.
బన్నీ ఏప్రిల్ 8న జన్మించాడు. మొదటి నుండి బన్నీకి డాన్స్ అంటే చాలా ఇష్టం. చిరంజీవి నటించిన "డాడీ" సినిమాలోని ఓ చిన్న బిట్ కు డాన్స్ చేసి అందరి మన్ననలు పొందాడు. ఆ తరువాత రాఘవేంద్రరావు దర్శకత్వంలో వచ్చిన "గంగోత్రి" చిత్రం ద్వారా వెండితెరకు హీరోగా పరిచయం అయ్యాడు. తన రెండవ సినిమా "ఆర్య" బ్లాక్ బస్టర్ హిట్టవడంతో బన్నీ స్టైలిష్ స్టార్ అయిపోయాడు. ఆ తరువాత బన్నీ నటించిన దాదాపు అన్ని చిత్రాలు కూడా మంచి విజయాన్ని సాధించాయి.
ఇటీవలే తనకు కొడుకు పుట్టాడు. ఇదే అభిమానులకు పెద్ద పండగ అనుకుంటే ఈరోజు అతని పుట్టినరోజు. అలాగే ఈనెల 11న బన్నీ నటించిన "రేసుగుర్రం" సినిమా విడుదల కాబోతుంది. ఇలా వరుసగా అన్ని సంతోషకర విషయాలతో అటు కుటుంబ సభ్యులు, ఇటు అభిమానులు చాలా సంతోషంగా ఉన్నారు.
ఇలాగే తన సినిమాలతో ప్రేక్షకులను అలరించాలని కోరుకుంటూ.. మరోసారి బన్నీకి పుట్టినరోజు శుభాకాంక్షలు తెలియజేస్తుంది తెలుగువన్.కామ్