English | Telugu
‘బాలయ్య బాలయ్య’ అంటూ కిర్రాక్ సాంగ్ తో అల్లాడించిన ఉష ఉత్తుప్
Updated : Jun 10, 2022
ఇండియన్ ఐడల్ తెలుగు పోటీలు మంచి రసవత్తరంగా సాగుతున్నాయి. ప్రేక్షకులు కూడా వాళ్ళ వాళ్ళ వోటింగ్ ఇచ్చేసారు. ఇక జూన్ 10 న సెమీ ఫైనల్స్ జరగబోతున్నాయి . బాలయ్య బర్త్ డే కూడా ఇదే రోజు కావడం విశేషం. ఐతే ఈ షోలో శ్రీనివాస్ పాటకి అఖండ పాట పాడి స్టేజిని ఒక్కసారిగా డివోషనల్ ప్లేస్ గా మార్చేశాడు. ఇక ఈ పాట ఐపోగానే బాలయ్యబాబు, ఉష ఉత్తుప్, నిత్యామీనన్, కార్తిక్, థమన్ అంతా నిలబడి చప్పట్లు కొట్టారు శ్రీనివాస్ కి. థమన్ లో ఆ సదాశివుడు పూనాడేమో అనిపిస్తుంది ఈ పాట విన్నప్పుడల్లా థ్యాంక్యూ తమ్ముడు అంటూ తమన్ కి చెప్తాడు.
జై బాలయ్య అంటూ శ్రీరామచంద్ర గట్టిగా అరిచేసరికి స్టేజి మొత్తం మంచి జోష్ తో నిండిపోయింది. వెంటనే ఉష ఉత్తుప్ మైక్ అందుకుని " ఎవ్రీబడీ క్లాప్ యువర్ హాండ్స్ .. ఆల్రైట్, బాలయ్య, బాలయ్య గుండెల్లో గోలయ్య జో కొట్టాలయా, ఐ లవ్ యూ అనేసరికి "ఉషమ్మ ఉషమ్మ ఒళ్ళంతా ఊపమ్మా , సై అంటానులే " అంటూ బాలయ్య కోరస్ పాడారు. ఈ పాటకు స్టేజి అంతా షేకాడిపోయింది. ఇక ఈ ఎపిసోడ్ ప్రోమో ఇప్పుడు సోషల్ మీడియాలో మంచి వ్యూస్ సంపాదిస్తోంది. హ్యాపీ బర్త్ డే బాలయ్య అంటూ ఆయనకు విషెస్ చెప్పారు. శ్రీనివాస్ పడుతున్నాడా ఇంకెవరైనా పడుతున్నారా ? అతన్నెందుకు హైలైట్ చేస్తున్నారంటూ నెటిజన్స్ కామెంట్స్ చేస్తున్నారు.