వెబ్ సిరీస్ లకు ఉండే క్రేజే వేరు. కంటెంట్ కాస్త ఫ్రెష్ గా ఉండి, ఫ్యామిలీ ఎమోషన్స్, కామెడీ ఉంటే చాలు అది హిట్టు అంతే. అలాంటి వెబ్ సిరీస్ లు చూడటానికి యూత్ తో పాటు అన్ని వర్గాల వారు ఇంట్రెస్ట్ చూపిస్తారు. కాలేజీ లైఫ్ గురించి 'స్టూడెంట్' అనే వెబ్ సిరీస్ యూట్యూబ్ లో తాజాగా రిలీజైంది. కాగా ఇప్పుడది యూట్యూబ్ లో ట్రెండింగ్ లో కొనసాగుతుంది.

షణ్ముఖ్ జస్వంత్ నటించిన ఈ వెబ్ సిరీస్ కి ఇప్పుడు ఫుల్ వ్యూస్ వస్తున్నాయి. సుబ్బు కే రాసిన ఈ కథని అవినాష్ డైరెక్ట్ చేశాడు. షణ్ముఖ్ జస్వంత్, డాన్ పృథ్వి, పృథ్వీ జకాస్, నేహా, తేకస్విని నాయుడు ప్రధాన పాత్రల్లో నటిస్తున్న ఈ వెబ్ సిరీస్ కి విశేష స్పందన లభిస్తుంది. అయితే ఈ వెబ్ సిరీస్ లో స్టుడెంట్ లా కన్పించడం కోసం షణ్కుఖ్ జస్వంత్ పదహారు కేజీలు తగ్గాడంట. ఇదంతా తన ఇన్ స్టాగ్రామ్ లో పోస్ట్ చేశాడు షణ్ముఖ్.

కాలేజ్ లైఫ్ యూత్ కి బాగా కనెక్ట్ అయ్యే టాపిక్. యూత్ ని టార్గెట్ చేస్తూ వచ్చిన ఏ స్టోరీ అయినా దాదాపు హిట్టే.. అప్పుటి కొత్తబంగారు లోకం, హ్యాపీ డేస్ ల నుండి ఇప్పటి బేబీ సినిమా వరకు అన్ని యూత్ ని ఆకర్షిస్తూ వెండి తెర మీద పేపర్లు విసిరేలా చేస్తున్నాయి. ఇప్పుడు అదే ట్రెండ్ తో షణ్ముఖ్ 'స్టూడెంట్' వెబ్ సిరీస్ చేస్తున్నాడు. ఈ సిరీస్ ఫస్ట్ గ్లింప్స్ ని రెండు వారాల క్రితం రిలీజ్ చేయగా లక్షల్లో వ్యూస్ వచ్చాయి. అదే తరహాలో స్టూడెంట్స్ అంథెమ్ , ట్రైలర్ విడుదల అయి లక్షల్లో వ్యూస్ రాగా ఒక్కోక్క ఎపిసోడ్ ని రిలీజ్ చేస్తున్నారు మేకర్స్.

షణ్ముఖ్.. యూత్ కి బాగా కనెక్ట్ అయి మంచి ఫేమ్ లోకి వచ్చిన యూట్యూబర్. షార్ట్ ఫిల్మ్స్ ద్వారా గుర్తింపు తెచ్చుకొని బిగ్ బాస్ లో ఛాన్స్ కొట్టేసాడు. 'సాఫ్ట్ వేర్ డెవలపర్' వెబ్ సిరీస్ తో తనకంటూ ప్రత్యేక గుర్తింపు తెచ్చుకున్న షణ్ముఖ్.. ఆ తర్వాత 'సూర్య' వెబ్ సిరీస్ తో ప్రతీ మధ్యతరగతి కుర్రాడికి కనెక్ట్ అయ్యాడు. షణ్ముఖ్, దీప్తి సునైన ఇద్దరు కలిసి షార్ట్ ఫిల్మ్స్ చేసి స్నేహితులుగా మారారు. వారి స్నేహం కాస్త ప్రేమగా మారింది. ఆ తర్వాత బిగ్ బాస్ సీజన్ -5 లో షణ్ముఖ్ ఎంట్రీ ఇచ్చాడు. అదే సీజన్ లో సిరి హనుమంత్ కూడా రావడంతో.. వారిద్దరి హౌస్ లో క్లోజ్ గా ఉండటం వల్ల దీప్తి సునైన, షణ్ముఖ్ ల మధ్య కథ మారింది. బిగ్ బాస్ లోకి వెళ్ళేముందు వరకు షణ్ముఖ్, దీపు వాళ్ళిద్దరి చేతిపై టాటూస్ ఉండేవి. బిగ్ బాస్ పూర్తయ్యాక వారిద్దరు విడిపోయారు. ప్రస్తుతం‌ ఎవరి బిజీలో వాళ్ళుంటున్నారు.