బిగ్ బాస్ హౌస్ లో ఫెయిర్ గా, ఫౌల్స్ లేకుండా టాస్క్ లు ఆడుతూ తోటి హౌస్ మేట్స్ తో మంచి మాటతీరుతో ఉన్న కంటెస్టెంట్ శివాజీ. తన ఆటతీరు, మాటతీరుతో ఎంతోమంది ప్రేక్షకుల మనసు గెలుచుకున్నాడు శివాజీ. ఈ సీజన్ విజేత శివాజీనే అని ఎంతోమంది భావించారు. అలాగే ఎంతోమందికి స్పూర్తిగా నిలిచాడు. బిబి బజ్ ఇంటర్వ్యూలో కొన్ని విషయాలని షేర్ చేసుకున్నాడు శివాజీ.

స్పై బ్యాచ్ కి మీరు ఫెవరెటిజం చూపించారా అని అడుగగా.‌ అదేం లేదు. వాళ్ళు గ్రూప్ గా ఆడారు. టార్గెట్ చేసి నామినేషన్లు చేశారు. అందరు అనుకొని మొదటి వారం నుండి ఆడుతున్నారని, ఇది ఒక ఇండివిడ్యువల్ గేమ్ ఎవరి గేమ్ వారు ఆడాలని శివాజీ అన్నాడు. ఇది ఇండివిడ్యువల్ గేమ్ అని చెప్పిన మీరే ప్రశాంత్, యావర్ లతో కలిసి వాళ్ళని ఆడనీయకుండా వాళ్ళు ఇలా చేస్తున్నారు, వీళ్ళు ఇలా ఆడుతున్నారని మీ మాస్టర్ మైండ్ తో మానిపులేట్ చేశారా అని అడుగగా.. నీ దగ్గర పదిహేను వారాల ఫుటేజ్ ఉంది‌. అన్నీ చూసుకో ఒక్కసారి కూడా అరేయ్ ప్రశాంత్ వాళ్ళని నామినేట్ చెయ్. అరెయ్ ఈ గేమ్ లో వీళ్ళతో జాగ్రత్తగా ఉండు అని ఏ రోజు వారితో చెప్పలేదని శివాజీ అన్నాడు. అమర్ వచ్చి మీ కాళ్ళ‌ మీద పడ్డప్పుడు .. అరెయ్ పిచ్చోడా ఇది గేమ్ రా.. వద్దురా.. లేరా అన్న మీరే ఆ తర్వాత రోజు నామినేట్ చేశారెందకని అడుగగా.. వాళ్ళు సిల్లీ నామినేషన్ తో వేశారు కానీ నాది ఒక వ్యాలిడ్ రీజనే కదా అని శివాజీ అన్నాడు. అయిదో వారంలో వచ్చి‌న అర్జునే అన్నాడు. వాడి గేమ్ వాడు ఆడట్లేదని, ఫౌల్స్ అడుతున్నాడని అతనే అన్నాడని శివాజీ అన్నాడు.

హౌస్ లో ఒకరోజు వీళ్ళు ఇలా ఉంటే రేపు పొద్దున ఎలారా అని శోభా గురించి అన్నారు కదా అని అడుగగా.. అమర్ ని చాలా చులకనగా చూశారు. వాడితోనే నేను ఆ మాట అన్నాను. వీళ్ళు ఇలా ఉంటే ఈ ఎపిసోడ్ లు అన్నీ చూసిన వాళ్ళు ఎలా ఉంటారురా అని అన్నాను. ఎందుకంటే అమర్ ని ఇష్టం వచ్చినట్లు మాట్లాడటమేంటి.. అరేయ్ అంటాను రా అని ఒక ఆడపిల్ల అలా అనడమేంటి? అది నాకు నచ్చలేదని అందుకే తనని అలా అన్నట్లు శివాజీ అన్నాడు. మీరు మీరు అంతా కూడబల్లుకొని వచ్చి గ్రూప్ గా ఆడుతుంటే‌ ఇక్కడ నేను చూసేది పిచ్చోడినా.. మనసా వాచా కర్మణా ఈ గేమ్ ని నేను ఆరాధించాను‌. నా వల్ల ఎంత వీలైతే అంతవరకు లాగానని నేను అనుకుంటున్నాను. ఇది నా అభిప్రాయం. చూస్తారా లేదా అనేది వారి అభిప్రాయం. నచ్చకపోయి ఉంటే నేను ఇన్ని వారాలు ఉండేవాడిని కాదని శివాజీ అన్నాడు. రాబోయో కంటెస్టెంట్స్ కి ఒక్కటే చెప్తున్నా.. ఈ సీజన్, గత సీజన్ లో వచ్చిన వారి మాటలు వినకండి వారి మాయలో పడకండి. మీరు మీలా ఆడండి. మీలా ఉండండి. ఎవరి మాయలో పడకండి. తప్పు చేస్తే బిగ్ బాస్ హౌస్ నేర్పిస్తుందని శివాజీ అన్నాడు. ఎవరి గేమ్ ప్లాన్ వారిది, ఎవరి స్ట్రాటజీ వారిది అంటు శివాజీ బజ్ లో తన అనుభవాన్ని పంచుకున్నాడు.