నేహా చౌదరి.. బిగ్ బాస్ ప్రేక్షకులకు సుపరిచితమే. స్పోర్ట్స్ రిప్రజెంటర్ గా కొంతమందికి తెలిసింది. ఆ తర్వాత బిగ్ బాస్ ఎంట్రీతో ఒక్కసారిగా అందరికి తెలిసిపోయింది. బిగ్ బాస్ లో నేహా ఉంది కొన్ని రోజులే అయినా బాగా ఎంటర్టైన్ చేసింది. దాంతో అభిమానులు తనకి సపోర్ట్ చేసారు.

నేహా తన కెరీర్ ని యాంకరింగ్ తో మొదలుపెట్టింది. చిన్నప్పటి నుండి తనకి యాంకరింగ్, యాక్టింగ్ మీద ఆసక్తి ఉండేదంట. విమెన్ వరల్డ్ కప్ ప్రోకబడ్డికి కూడా రిప్రెజెంటెర్ గా చేసింది నేహా. ఆ తర్వాత బిగ్ బాస్ ఎంట్రీతో ఒక్కసారిగా సెలెబ్రిటీ జాబితాలోకి చేరింది నేహా. బిగ్ బాస్ నుండి బయటకు వచ్చాకే నేహాకి పెళ్లి జరిగింది. అది కూడా బిగ్ బాస్ 6 గ్రాండ్ ఫినాలే రోజే నేహా పెళ్లి జరిగింది. నేహా పెళ్లి కూతురు గెటప్ లోనే గ్రాండ్ ఫైనల్ కి అటెండ్ అయిన విషయం అందరికి తెలిసిందే. నేహా సొంతంగా యూట్యూబ్ ఛానెల్ ని స్టార్ట్ చేసి తన ప్రతీ అప్డేట్ ని ఫ్యాన్స్ కి తెలియజేస్తుంది.

పెళ్ళి తర్వాత జర్మనీకి వెళ్ళిన నేహా చౌదరి.. అక్కడ సర్ ప్రైజ్ అంటూ తన భర్తని కలవడానికి వెళ్ళింది. అదంతా కలిపి ఒక వ్లాగ్ అప్లోడ్ చేయగా వైరల్ అయ్యింది. బర్త్ డే సర్ ప్రైజ్ వ్లాగ్, ఔటింగ్ అంటూ ట్రావెలింగ్ వ్లాగ్స్ చేస్తూ ఎప్పటికప్పుడు ఫుల్ ట్రెండింగ్ లో ఉంటుంది నేహా చౌదరి. అయితే తాజాగా 'మా ఆయన కోసం వంట మొదలు పెట్టా' అనే వ్లాగ్ ని తన యూట్యూబ్ ఛానెల్ లో అప్లోడ్ చేసింది నేహా. ఇందులో తన భర్త కోసం కొత్తగా ఏదైనా చేద్దామని అనుకుందంట. వాళ్ళ అమ్మకి వీడియో కాల్ చేసి ఏ వంట చేయాలి? ఆ వంటకి ఏమేం కావాలో తెలుసుకొని లేనివాటిని బయటకెళ్ళి తీసుకొచ్చింది‌‌. ఆ తర్వాత వంట చేసింది నేహా. ఒకసారి తను ఉప్మా చేసిందంట. అది కాస్త ఫెయిల్ అయిందని.. ఉప్మా కాస్త ఉప్మా దోశ అయిందని నవ్వతూ చెప్పింది. కాగా కొత్త కొత్త వ్లాగ్స్ చేస్తూ ఎప్పుడు ట్రెండింగ్ లో ఉంటుంది నేహా చౌదరి.