బిగ్ బాస్ సీజన్-7 ఇప్పటికే పది వారాలు పూర్తి చేసుకుంది. ఇక పదకొండవ వారం హౌస్ లో ఎవరు ఎలిమినేషన్ అవుతారనే క్యూరియాసిటి అందరిలో మొదలైంది. అయితే శనివారం నాటి ప్రోమో కోసం బిగ్ బాస్ అభిమానులు ఎంతగా ఎదురు చూస్తారో తెలిసిందే.

ఎప్పుడెప్పుడ అని ఎదురుచూస్తున్న శనివారం నాటి ప్రోమో రానే వచ్చింది. ఇందులో నాగార్జున ఫుల్ ఫైర్ మీద ఉన్నట్టు రావడం రావడమే షుగర్ తో చేసిన బాటిల్స్ తీసుకొని వచ్చాడు. ఒక్కో కంటెస్టెంట్ తల మీద ఆ బాటిల్ పగులగొట్టి వార్నింగ్ ఇచ్చాడు నాగార్జున. శివాజీని లేపి.. నాకు కొన్ని డౌట్స్ ఉన్నాయి? కొన్ని సమస్యలున్నాయని నాగార్జున అన్నాడు. అప్పుడప్పుడు వచ్చే బూతులే కదా సర్ అని శివాజీ అన్నాడు. " ఈ విషయంలో నీ సమర్థత ఏం అయింది. ఈ విషయంలో నీ సహనం ఏమైంది. పిచ్చి పోహా, ఎర్రి పోహా ఇవన్నీ హౌస్ లో వాడే పదాలా శివాజీ" అని నాగార్జున అన్నాడు.

ఆ తర్వాత రతిక ఫోటో మీద బాటిల్ పగులకొట్టి.... ఇకనుండి కొన్ని పదాలను బ్యాన్ చేస్తున్నాను. " వచ్చేవారం నుండి నేనేంటో చూపిస్తాను. నేను ఆడతాను. ఇలాంటి పదాలన్నీ బ్యాన్ చేస్తున్నాను" అని రతికతో అన్నాడు. అమర్.. నేను విన్నర్ అని అనుకోకపోతే ఎలా గెలుస్తావని అమర్ దీప్ తో నాగార్జున అన్నాడు. చెల్లెలిని గెలిపించడం తప్ప హౌస్ లో నువ్వేమైనా చేశావా గౌతమ్ అని అన్నాడు. అసలు ఈ వారం ఏం అయినా ఆడావా ప్రశాంత్.. ఫ్యామిలీ వీక్ లో వచ్చినవాళ్ళంతా టాప్-5 లో నీ పేరు పెట్టారని, హమ్మయ్య ఇంకా నేను ప్రూవ్ అని అనుకున్నావా లేక ఇంకెవరికైనా అవకాశం ఇద్దామని అనుకున్నావా ప్రశాంత్ అని నాగార్జున అన్నాడు. ఇలా ఈ వారం కంటెస్టెంట్స్ ఆడిన ఆటతీరుని ప్రశ్నిస్తూ గట్టి వార్నింగ్ ఇచ్చినట్టు తెలుస్తోంది. మరి ఎవరెవరికి వార్నింగ్ ఇచ్చాడో తెలియాలంటే పూర్తి ఎపిసోడ్ వచ్చేవరకు ఆగాల్సిందే. కాగా మరోక విషయం ఏమిటంటే.. ఈ వారం డబుల్ ఎలిమినేషన్ ఉంటుందనే వార్తలు వస్తున్నాయి... ఏది ఎమైనా.. రేపటి ఎలిమినేషన్ రౌండ్ వచ్చేంతవరకు ఆగాల్సిందే!