స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ శనివారం నాటి ఎపిసోడ్ -222 లో.. కృష్ణ ఇంట్లో అందరి ముందు హ్యాపీగా ఉన్నట్లు నటిస్తుంది. ఆ తర్వాత తన గదిలోకి వచ్చి ఏడుస్తుంది. తన బ్యాగ్ లో బట్టలు సర్దుకుంటూ.. తనలో తనే మాట్లాడుకుంటుంది. భర్త మనసులో ఇంకొకరు ఉన్నారు, అది నా తప్పా అని ఎమోషనల్ ఆవుతుంది. ఆ తర్వాత, ఎందుకు ఇలా చేశారు ఏసీపీ సర్ అని అడగలేను.. నాలో ఇంత ప్రేమని దాచుకోలేనని కృష్ణ ఎమోషనల్ అవుతుంది.

మరొక వైపు ముకుంద చాలా హ్యాపీగా ఉంటుంది. థాంక్స్ దేవుడా అంటూ హుషారుగా ఉంటుంది. కృష్ణ, మురారి ఇద్దరికి ఒకరంటే ఒకరికి ఇష్టం ఉన్నా లేనట్టు నమ్మించాను, ఇక టైమ్ చూసుకొని అగ్రిమెంట్ మ్యారేజ్ గురించి పెద్ద అత్తయ్యకి చెప్తే పెద్ద అత్తయ్య కృష్ణ ని ఇంట్లో నుండి బయటకు పంపిస్తుంది. ఇద్దరు విడిపోతారు. కృష్ణ వెళ్ళిపోయాక తను డాక్టర్ కాబట్టి మంచి స్థాయిలో ఉంటుంది. మళ్ళీ మా జీవితంలోకి రాకుండా చూడని ముకుంద అనుకుంటుంది. మరొక వైపు మురారి ఒంటరిగా కూర్చొని కృష్ణ మాటలు గుర్తు చేసుకుంటాడు. అప్పుడే రేవతి మురారి దగ్గరికి వచ్చి మాట్లాడుతుంది. నువ్వు ఆ రోజు కృష్ణ స్టేజి పైకి రమ్మని పిలిస్తే ఎందుకు వెళ్ళలేదు. మీ మధ్య ఏదైనా గొడవ జరిగిందా అని రేవతి అడుగుతుంది. లేదు అమ్మ నువ్వు అనుకున్నట్లు మా మధ్యలో ఏం లేదని మురారి అంటాడు. నాకు తెలుసు మీ మధ్య ఏం లేదు మీది అగ్రిమెంట్ మ్యారేజ్ అని రేవతి అనగానే.. మురారి షాక్ అవుతాడు. ప్రేమ వేరు పెళ్లి వేరు గతాన్ని గుర్తుచేసుకొని, భవిష్యత్తుని పాడు చేసుకోకని రేవతి అంటుంది. నేను ఇంకా ముకుందని మర్చిపోలేదని అమ్మ అనుకుంటుందా అని మురారి అనుకుంటాడు. నాకు తెలుసు కృష్ణకి నీకు.. ఒకరంటే ఒకరికి ఇష్టమని, మరి ఎందుకు ఇలా అయిపోతున్నారని రేవతి అడుగుతుంది. నీకెలా చెప్పాలి అమ్మ కృష్ణకి నేను అంటే ఇష్టం లేదని మురారి తన మనసులో అనుకుంటాడు. మీ అగ్రిమెంట్ మ్యారేజ్ ని రద్దు చేసుకొని భార్యాభర్తల లాగా ఉండండని రేవతి అనగానే.. అమ్మ ఇప్పుడు ఏం చెప్పలేను, తర్వాత అన్ని అర్థం అవుతాయని మురారి అంటాడు. ఏంట్రా ఇంకా నువ్వు ముకుందని మర్చిపోలేదా అని రేవతి అడుగుతుంది. నా గతానికి వర్తమానానికి ఎలాంటి సంబంధం లేదని మురారి చెప్పేసి అక్కడ నుండి వెళ్ళిపోతాడు. అలా‌ మురారి అనేసరికి రేవతి హ్యాపీగా ఫీల్ అవుతుంది.

మరొకవైపు కృష్ణ దగ్గరికి మురారి వెళ్తాడు. కృష్ణ కొంతడబ్బు మురారికి ఇచ్చి.. ఇది నా గుర్తుగా ఉంచుకోండి. ఎప్పటికి ఖర్చు చెయ్యకండని కృష్ణ అనగానే.. చదువు ఖర్చు కూడా ఇస్తున్నావా అని మురారి అనుకుంటాడు. నేను ఇంటి నుండి వెళ్లిపోవడానికి ఇంకా పన్నెండు రోజులే ఉందని మురారితో కృష్ణ చెప్తుంది. కృష్ణ చాలా క్లారిటీగా ఉందని మురారి అనుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.