బిగ్ బాస్ సీజన్-6 లో టాప్-5 లో ఉన్న కంటెస్టెంట్స్ లలో‌ కీర్తిభట్ ఒకరు. హౌస్ లోకి వెళ్ళిన మొదటి వారం నుండి ప్రతీదానికి ఏడుస్తుంటే ఏంట్రా బాబు ఈ అమ్మాయి ఎప్పుడు ఏడుస్తూనే ఉంటుందా అని ప్రేక్షకులు మొదట్లో అనుకునేవారు. అయితే ఒకరోజు మీ కుటుంబం గురించి చెప్పుకోండి అని బిగ్ బాస్ ప్రతీ కంటెస్టెంట్ కి అవకాశం ఇచ్చినప్పుడు కీర్తిభట్ తన గురించి చెప్పుకుంది. తన ఫ్యామిలీ అంతా ఒక యాక్సిడెంట్ లో చనిపోయారని, ఆ తర్వాత ఒక పాపని దత్తత తీసుకొని పెంచుకుంటే తను కూడా దూరమైందని భాదపడుతూ చెప్పుకుంది. ఇక హౌస్ లోకి వచ్చేముందు మరో పాపని దత్తత తీసుకుందంట మరి ఆ పాప ఎలా ఉందోనని బాధపడుతూ చెప్పుకోవడం, కీర్తిభట్ జీవితంలో ఎదుర్కొన్న సవాళ్ళని చూసి ఎంతో మంది అభిమానులు అయ్యారు.

కీర్తిభట్ హౌస్ లో కెప్టెన్ అయ్యాక హౌస్ మేట్స్ అందరితో మంచి బాండింగ్ ఏర్పడింది. అయితే రేవంత్, శ్రీహాన్, శ్రీసత్య ముగ్గురితో కీర్తిభట్ హౌస్ లో గొడవలు రావడంతో తన గేమ్ కాస్త డిస్టబ్ అయింది. ఆ తర్వాత తను ప్రతీ టాస్క్ లో బాయ్స్ తో గట్టి పోటి ఇస్తూ శివంగిలా ఎదురునిలబడటంతో ఫ్యాన్ బేస్ అమాంతం పెరిగిపోయింది. ఇక తను టాప్-5 లోకి చేరుకుంది. అయితే కీర్తిభట్ కంటే రేవంత్, శ్రీహాన్, శ్రీసత్య, ఆదిరెడ్డికి అప్పట్లో ఫ్యాన్ బేస్ కాస్త ఎక్కువ ఉండటంతో తను ఎలిమినేట్ అయింది. అయితే బిగ్ బాస్ షో తర్వాత మీ ఇంటి కీర్తి అనే యూట్యూబ్ ఛానెల్ ని మొదలెట్టింది కీర్తిభట్. ఇక అందులో రెగ్యులర్ గా వ్లాగ్స్ అప్లోడ్ చేస్తూ తన అభిమానులకి దగ్గరగా ఉంటుంది.

బిగ్ బాస్ షో తర్వాత కార్తీక్ అనే తన ఫ్రెండ్ ని పెళ్ళిచేసుకోబోతున్నట్టు ఒక పోస్ట్ ని తన ఇన్ స్టాగ్రామ్ లో అప్లోడ్ చేయగా దానికి చాలామంది సపోర్ట్ చేస్తూ అభినందనలు తెలిపారు. దాంతో కొన్ని రోజుల తర్వాత కార్తీక్ తో ఎంగేజ్ మెంట్ చేసుకుంది కీర్తి. అయితే కార్తిక్ మంచివాడని ఎప్పుడు చెప్తుంటుంది కీర్తి. ఇక తాజాగా " మనాలి మంచులో షూట్ ఎలా చేశామంటే" అనే ఒక వ్లాగ్ ని తమ యూట్యూబ్ ఛానెల్ లో అప్లోడ్ చేశారు.

ఇందులో మొదట కార్తిక్ మాట్లాడాడు.. నేను ఒకప్పుడు సెల్ఫీ అంటేనే సిగ్గుపడేవాడిని. ఇప్పుడు కీర్తీకోసం వ్లాగ్స్ చేస్తున్నాను. తెలుగులో ఒక సినిమాతో మీ ముందుకు రాబోతున్నాను. మీ ఇంటి కీర్తిని బాగా చూసుకుంటున్నాను. మమ్మల్ని సపోర్ట్ చేయండి‌. మేం ఇప్పుడు మనాలిలో ఉన్నాం. ఇక్కడ మధ్యాహ్నం మూడు గంటకి మూడు డిగ్రీలు ఉంది. మాట్లాడుతుంటేనే పొగ బయటకు వస్తుంది. కీర్తి చూడంటి చిన్నపాపతో ఎలా ఆడుకుంటుందో అంటూ కార్తిక్ చెప్పుకొచ్చాడు. మనాలి మంచులో ఈ క్యూట్ ప్రేమజంట కనువిందు చేశారు. షూటింగ్ అంటు చేసిన ఈ వ్లాగ్ ఇప్పుడు యూట్యూబ్ లో ఫుల్ ట్రెండింగ్ లో ఉంది.