బిగ్ బాస్ హౌస్ లో విమెన్ ఆల్ రౌండర్ గా తన పర్ఫామెన్స్ తో గీతు ఆకట్టుకుంటోంది అనే విషయం అందరికి తెలిసిందే. కాగా సండే దీపావళి స్పెషల్ ఎపిసోడ్ కావడంతో కమెడియన్ హైపర్ ఆది వచ్చి తన పంచ్ డైలాగ్స్ తో అలరించాడు.

హైపర్ ఆది కంటెస్టెంట్స్ అందరి గురించి ఏదో ఒకటి చెప్తూ కామెడీతో అలరించగా, గీతు గురించి చెప్తూ, "నువ్వు గేమ్ బాగా ఆడుతున్నావు. అయితే హౌస్ లో జరిగే ప్రతి విషయాన్ని పట్టించుకుంటున్నావు. హౌస్ లో ఏ ఇద్దరి మధ్య ఆర్గుమెంట్ జరిగినా నీ మాటే వినిపిస్తోంది. గేమ్ పరంగా సూపర్. మాట పరంగా కొంచెం అదుపులో ఉంచుకోవాలి. నోటి దూల బాగా ఉంది. ఎవరిని మాట్లాడనివ్వవు" అంటూ ఆది చెప్పుకొచ్చాడు.

గత వారం కూడా నాగార్జున మాట్లాడుతుండగా మధ్యలో దూరి మాట్లాడితే నాగార్జునకి కోపం వచ్చింది. కాగా అప్పుడే గట్టిగా వార్నింగ్ కూడా ఇవ్వడం జరిగింది. "గీతు ఎవరిని మాట్లాడనివ్వవా" అంటూ కోపంగా అనేసాడు నాగార్జున. అయినా కూడా తన తీరు మార్చుకోలేదు. గీతు ప్రవర్తన కొందరికి చిరాకేస్తోంది మరికొందరికి ఎంటర్టైన్మెంట్ లా అనిపిస్తోంది. తన అటతీరుకి, మాట్లాడే చిత్తూరు యాసకి ఫ్యాన్ బేస్ చాలానే ఉంది అనే చెప్పాలి. కాగా దీపావళి స్పెషల్ గెస్ట్ గా వచ్చిన కమెడియన్ ఆది కూడా అదే విషయం చెప్పాడు. మధ్యలో దూరే అవార్డు అంటూ ఉంటే మాత్రం గీతూకే వస్తది అని చెప్పగా, "నేను కాదు రేవంత్" అని చెప్పే ప్రయత్నం చేసింది. దానికి బదులుగా ఆది మాట్లాడుతూ, "రేవంత్ అందుకునేలోపే నువ్వే మధ్యలో దూరి అవార్డు అందుకుంటావు" అని అనడం తో హౌస్ లో నవ్వులు పూసాయి.

గీతు ఆది చెప్పిన మాటలను మనసులో పెట్టుకొని మసులుకుంటుందో? లేక వదిలేస్తుందో చూడాలి.