బుల్లితెరపై సీరియల్స్ లో నటించడం ద్వారా మంచి గుర్తింపు తెచ్చుకున్న హరితేజ.. ఆ తరువాత యాంకర్ గా పాపులారిటీ సంపాదించుకుంది. అదే గుర్తింపుతో బిగ్ బాస్ సీజన్ 1లో కంటెస్టెంట్ గా పాల్గొనే అవకాశాన్ని దక్కించుకుంది. హౌస్ లో తనదైన స్టైల్ లో ఎంటర్టైన్మెంట్ పండించింది. ఆమె చెప్పిన హరికథ బిగ్ బాస్ షోకి హైలైట్ గా నిలిచింది. ఆ తరువాత ఈ బ్యూటీ చాలా సినిమాల్లో అవకాశాలు వచ్చాయి.

'సరిలేరు నీకెవ్వరు', 'ప్రతిరోజు పండగే', 'ఎఫ్ 2', 'అరవింద సమేత', 'యూటర్న్', 'శ్రీనివాస కళ్యాణం' ఇలా చాలా సినిమాల్లో నటించింది హరితేజ. ఇదిలా ఉండగా.. ఈ భామ ఏప్రిల్ 5న పండంటి ఆడబిడ్డకు జన్మనిచ్చింది. మొదటిసారి తన చిన్నారిని సోషల్ మీడియా ద్వారా ఈరోజు పరిచయం చేసింది. పెళ్లిరోజు సందర్భంగా తమ కూతురి ఫోటోను సోషల్ మీడియాలో షేర్ చేస్తూ.. పాప రాకతో తమ వివాహ వార్షికోత్సవం మరింత ప్రత్యేకంగా మారిందని తెలిపింది.

భర్త దీపక్‌తో కలిసి బిడ్డను ఎత్తుకున్న ఫోటోను అభిమానులతో పంచుకుంది. ఈ సందర్భంగా పలువురు ప్రముఖులు, నెటిజన్లు హరితేజకి పెళ్లి రోజు శుభాకాంక్షలు చెబుతున్నారు. హరితేజ సోషల్ మీడియాలో చాలా యాక్టివ్‌. తనకు సంబంధించిన ప్రతీ విషయాన్ని అభిమానులతో షేర్ చేసుకుంటూ ఉంటుంది. అలానే తన కూతురు ఫోటోని కూడా షేర్ చేసింది.