'జబర్దస్త్'లో లవ్ బర్డ్స్ అంటే ఒకప్పుడు సుడిగాలి సుధీర్, రష్మీ గౌతమ్ గుర్తుకు వచ్చేవారు. వాళ్ళిద్దరి మధ్య ఏమీ లేదని, షో కోసం అలా చేస్తున్నారని చెప్పినవాళ్లు వున్నారు. ఏది ఏమైనా టీవీల్లో సుధీర్, రష్మీ హిట్ పెయిర్. ఇప్పుడు కొత్తగా ఇమ్మాన్యుయేల్, వర్ష పెయిర్ ఆడియన్స్ ను అట్ట్రాక్ట్ చేస్తోంది. 

ఇమ్మాన్యుయేల్, వర్ష మధ్య ట్రాక్స్ హిట్ అవుతున్నాయి. మొన్నటివరకు వాళ్ళిద్దరూ కెవ్వు  కార్తీక్ టీమ్ లో చేశారు. ఇప్పుడు బుల్లెట్ భాస్కర్ టీమ్ కు వచ్చారు. భాస్కర్ టీమ్‌కి వచ్చాక ఫస్ట్ స్కిట్‌లో లవర్స్‌గా కనిపించినా... చివరకు వర్షను భాస్కర్ పెళ్లి చేసుకున్నాడు. ఈ వీక్ టెలికాస్ట్ కానున్న స్కిట్‌లో వర్ష, ఇమ్మాన్యుయేల్ భార్యభర్తలుగా కనిపించనున్నారు.

భార్య ఎవరి కోసమో ముగ్గు వేస్తుందని అనుమానించే భర్తగా ఇమ్మాన్యుయేల్ కనిపించనున్నాడు. భార్య మీద అనుమానం వ్యక్తం చేస్తే... 'పద్దతికి చీర కట్టిన దానిలా ఉంటాను. మీరు నన్నే అనుమానిస్తున్నావా?' అని వర్ష డైలాగ్ చెప్పింది. 

'సూపర్ సూపర్.. మా ఆవిడ పద్ధతికి చీర కట్టినట్టు ఉంటుందంట! ఒక్కసారి ఇటు తిరుగమ్మా' అని వర్ష జాకెట్ బ్యాక్ సైడ్ కనిపించేలా ఆమెను తిప్పాడు. 'ఎవరైనా బ్లౌజులకు చిన్న చిన్న కిటికీలు పెట్టుకుంటారు. నువ్వు ఏంటి? 70 ఎంఎం తెర పెట్టావ్...' అని పంచ్ వేశాడు. ఏమీ చెప్పలేక వర్ష అలా నవ్వుతూ ఉండిపోయింది.  

మొత్తానికి ఆడ‌వాళ్ల డ్ర‌స్సుల‌పై మ‌గాళ్ల కామెంట్లు టీవీ స్కిట్ల‌లోనూ కొన‌సాగుతూనే ఉన్నాయ్‌.