సెప్టెంబర్ 1న రాత్రి 7 గంటల నుంచి బిగ్ బాస్ తెలుగు సీజన్ 8 అయితే మొదలుకాబోతోంది. ఐతే బిగ్ బాస్ హోస్ట్ ఎవరో తెలుసు కానీ బిగ్ బాస్ బజ్ కి హోస్ట్ ఎవరు అన్న టాపిక్ ఇప్పుడు అందరిలో ఉంది. ఐతే చాలా పేర్లు వినిపిస్తున్నాయి. ముందుగా శివాజీ అన్నారు తర్వాత శోభా అన్నారు..ఇక ఇప్పుడు ఆడియన్స్ ఎదురుచూపులకు క్లారిటీ వచ్చేసింది. బిగ్ బాస్ బజ్ హోస్ట్ ఎవరో రివీల్ చేశారు. అందుకు సంబంధించి ప్రోమో కూడా విడుదల చేశారు. ఎవరూ ఊహించని పేరు చూసి షాకయ్యారు ఆడియన్స్. ఈసారి బిగ్ బాస్ బజ్ కి యాంకర్ గా బిగ్ బాస్ తెలుగు సీజన్ 7 కంటెస్టెంట్ అంబటి అర్జున్ ని తీసుకున్నారు. అంబటి అర్జున్ చాలా క్లారిటీగా తప్పు చేస్తే ముఖం మీదే చెప్పే మైండ్ సెట్ ఉన్నవాడు. అలాటి వాళ్ళే బిగ్ బాస్ బజ్ కి వస్తే మంచి రేటింగ్ మంచి కాంట్రావర్సీస్ కూడా ఎక్కువగా ఉంటాయనే ఉద్దేశంతో అంబటి అర్జున్ కి స్వాగతం పలికారు. గత సీజన్స్ లో బిబి కేఫ్, బిగ్ బాస్ బజ్ ని అరియనా గ్లోరీ, శివ, రాహుల్ సిప్లిగంజ్, గీతూ రాయల్ వంటి వాళ్ళు చేశారు. ఇక ఇప్పుడు అంబటి అర్జున్ రాబోతున్నాడు.

ఇక ఈ ప్రోమోలో అంబటి హౌస్ మేట్స్ కి వార్నింగ్ కూడా ఇచ్చినట్లు కనిపిస్తోంది. “టైమ్ బాగుంటే సంతోషం.. టైమ్ బాగోకపోతే సంకోచం. టైమ్ బాగుంటే మనం ఏం చేసినా ఒప్పు.. అలా టైమ్ బాగున్న కొంతమంది బిగ్ బాస్ హౌస్ కి వస్తున్నారు. మరి వాళ్ల టైమ్ బ్యాడ్ అయితే ? బిగ్ బాస్ బజ్ లోకి వస్తారు. లోపల మీరు తీసుకున్న నిర్ణయాలకు ఇక్కడ సమాధానం చెప్పాల్సి ఉంటుంది. గుర్తుంచుకోండి.. ఈ సీటు యమ హాటు” అంటూ అంబటి అర్జున్ చెప్పిన డైలాగులు బాగా వైరల్ అవుతున్నాయి.