బిగ్ బాస్ సీజన్-9 ఫ్యామిలీ వీక్ లో భాగంగా కంటెస్టెంట్స్ యొక్క ఫ్యామిలీస్ హౌస్ లోకి ఎంట్రీ ఇవ్వగా వీకెండ్ లో ఒక ఫ్రెండ్ అండ్ ఒక కుటుంబ సభ్యులు స్టేజ్ మీదకి వచ్చారు. ‌నిన్నటి ఎపిసోడ్ లో సుమన్ శెట్టి పిల్లలు, ఫ్రెండ్ శ్రీనివాస్ రెడ్డి రాగా డీమాన్ పవన్ వాళ్ళ నాన్న, ఫ్రెండ్ పవన్ వచ్చారు.

ఇక నాగార్జున పిలవగానే డీమాన్ పవన్ తండ్రి స్టేజ్ మీదకి వచ్చాడు. తన తండ్రిని చూడగానే డీమాన్ కళ్లల్లో ఆనందం మాములుగా లేదు. స్టేజ్ మీదకి రాగానే నాగార్జునని చూసి సర్ హగ్ చేసుకోవచ్చా అంటూ చాలా అమాయకంగా డీమాన్ వాళ్ళ నాన్న అడిగాడు. దీనికి అయ్యో దానిదేం ఉందంటూ నాగార్జున హత్తుకున్నారు. నా కొడుకు ద్వారా మిమ్మల్ని కలిశాను చాలా సంతోషం అంటూ డీమాన్ తండ్రి అన్నాడు. ఇంతలో డాడీ ఎలా ఉన్నారని డీమాన్ అడగ్గానే సూపర్ నాన్న హ్యాపీ.. అంటూ నవ్వుతూ చెప్పారు. ఐ మిస్ యూ డాడీ .. ట్యాబ్లెట్స్ అన్నీ టైమ్‌కి వేసుకొని ఎప్పుడూ ఎలా చలాకీ ఉంటారో అలాగే ఉండండి అని డీమాన్ అన్నాడు. నేను చాలా హ్యాపీగా ఉన్నాను.. నా గురించి మాత్రం ఏం ఆలోచించకు.. నీ కోసమే చూస్తూ ఉన్నాం.. నువ్వు బాగా ఆడు.. విన్ అవ్వు.. అర్థమైందా.. అంటూ ఆయన చెప్పాడు. సరిగ్గా మాట్లాడలేని స్థితిలో కూడా తన కొడుకుకి ఇలా ఆయన ధైర్యం చెప్పడం చూసి అటు హౌస్ మేట్స్ ఇటు ఆడియన్స్ ఎమోషనల్ అయిపోయారు. ఇటీవలే డీమాన్ తండ్రికి ఒక సర్జరీ అయింది . ఈ విషయాన్ని ఆయన స్వయంగా ఓ ఇంటర్వ్యూలో చెప్పారు. ఒకరోజు నాలుకకి నా పన్ను గుచ్చుకుని సెప్టిక్‌ అయింది. హా మామూలే కదా ఏం అవుతుందులే అనుకున్నాను. కానీ ఆ పెయిన్ పెద్దదైంది. దీంతో పవన్‌ హైదరాబాద్‌ తీసుకొచ్చి ఇక్కడ ఆస్పత్రిలో చూపించాడు. వాళ్లు క్యాన్సర్‌ ప్రారంభ దశలో ఉంది.. వెంటనే ఆపరేషన్‌ చేయాలన్నారు. అలా ఈ జూన్‌లో సర్జరీ జరిగిందంటూ డీమాన్ తండ్రి చెప్పారు. నాలుగు రోజులు పాటు ఆస్పత్రిలోనే ఉండి తర్వాత ఇంటికి వెళ్లిపోయాం. కాకపోతే నోటి లోపల చర్మం కట్‌ చేశారు. దీనివల్ల నాకు మాట సరిగా రావడం లేదు. భోజనం చేయడం కూడా మానేయాల్సి వచ్చింది. రోజూ జావ తాగుతున్నాను. కేవలం ద్రవపదార్థాలే తీసుకుంటున్నానంటూ చెప్పారు.

ఇక ఈ విషయంపైనే డీమాన్ బెంగ పెట్టుకున్నాడు. అందుకే ఫ్యామిలీ వీక్‌లో తన తల్లి వచ్చినప్పుడు డాడీ ఎలా ఉన్నారు.. తింటున్నారా అంటూ చాలా విషయాలు అడిగి తెలుసుకున్నాడు. మొత్తానికి తన తండ్రిని ఇలా బిగ్‌బాస్ స్టేజ్ మీద చూసి మురిసిపోయాడు డీమాన్. బాగా ఆడాలి నాన్న‌.. నీ కోసం ఆడు.. గేమ్ ఆడే అవకాశం రావడం లేదని బాధపడకు అంటు ధైర్యం చెప్పాడు. పవన్ కూడా చాలా వరకు మోటివేట్ చేశాడు. వాళ్ళ నాన్నని చూసి డీమాన్ పవన్ కళ్ళలో నీళ్ళు తిరిగాయి.