ప్రస్తుతం సోషల్ మీడియాలో లైక్, ఫాలో, షేర్, సబ్ స్క్రైబ్ హావా నడుస్తోంది. చిన్న చిన్న సెలబ్రిటీల నుండి అగ్రతారల వరకు ఇన్ స్ట్రాగ్రామ్, ఫేస్ బుక్, ట్విట్టర్ లో ఫాలోవర్స్ కోసం.. యూట్యూబ్ లో సబ్ స్క్రైబర్స్ కోసం రకరకాల పోస్ట్ లు రీల్స్ చేస్తుంటారు. దీనికంతటికి కారణం ట్రెండింగ్ లో ఉండాలి. ఎప్పుడు జనాలకి దగ్గరగా ఉండాలి. అలా జనాలకి దగ్గరగా ఉండటం కోసం సుమ కొన్ని సంవత్సరాల క్రితం సొంతంగా యూట్యూబ్ ఛానెల్ ని పెట్టగా.. దానికి ఇప్పుడు పదిలక్షల మంది సబ్ స్క్రైబర్స్ వచ్చారు. దాంతో తనకి చాలా సంతోషంగా ఉందని చెప్తూ ఇన్ స్టాగ్రామ్ లో పోస్ట్ చేసింది‌ సుమ.

బుల్లితెర స్టార్ మహిళ సుమ కనకాల‌ గురించి ప్రత్యేకంగా చెప్పనక్కర్లేదు. తన మాటలతో స్టార్ హీరోలని, డైరెక్టర్ లను సైతం మెప్పిస్తూ యాంకరింగ్ లో కొత్త ఒరవడిని సృష్టించింది. ఎంతమందిలో ఉన్నా.. ఏ స్టేజ్ మీద అయినా తన మాటలతో మెస్మరైజ్ చేస్తూ అనర్గళంగా మాట్లాడుతుంది సుమ. స్పాంటేనియస్‌ కామెడీ పంచ్ లతో ఎప్పుడు ఆకట్టుకునే సుమ.. సోషల్ మీడియాలో కూడా తన ప్రతిభని కనబరుస్తుంది. తన యూట్యూబ్ ఛానెల్ లోను వీడియోలు చేస్తూ బిజీగా ఉంటుంది సుమ. తన యూట్యూబ్ ఛానెల్ ని స్టార్ట్ చేసి అందులో కొన్ని టిప్స్ ఇస్తూ వీడియోలు కూడా చేస్తుంది. రీసెంట్ గా మహిళల కోసం ఒక వీడియోని చేసి మహిళలకి విలువైన టిప్స్ ని ఇచ్చింది సుమ. తనకు తోచినదే కాకుండా మహిళలకి ఎలా ఉండాలో కొన్ని కొత్త ఐడియాలని ఇస్తూ ఎంతోమందికి ఇన్స్పిరేషన్ గా నిలుస్తోంది.

అటు షూటింగ్స్ అంటూ బిజీగా ఉంటూనే, ఇటు ప్రమోషనల్ వీడియోలు చేస్తూ ట్రెండింగ్ లో ఉంటుంది సుమ. తన యూట్యూబ్ ఛానెల్ ని విజయ్ దేవరకొండ లాంచ్ చేశాడు. ఆ తర్వాత అనేక రకాల వ్లాగ్స్ చేసి అప్లోడ్ చేసింది సుమ. అందులో రాజీవ్ కనకాలతో చేసిన.. ' మా ఆయనకి నచ్చిన పులిహోర' అనే వ్లాగ్ అత్యధిక వీక్షకాధరణ పొందింది. చిన్నపిల్లలతో అల్లరి చిల్లరగా బిహేవ్ చేస్తూ స్ట్రెస్ బస్టర్ షో ని రన్ చేసింది. తాజాగా తన యూట్యూబ్ ఛానెల్ పది లక్షల సబ్ స్కైబర్స్ ని చేరుకుంది. దాంతో తన ఛానెల్ ని ఆచరిస్తున్న, ఫాలో అవుతున్న ప్రతీ ఒక్కరికి థాంక్స్ చెప్పుకొచ్చింది సుమ. ఇన్ స్టాగ్రామ్ లో ఇప్పటికే రెండు మిలియన్ల ఫాలోవర్స్ ని కలిగి ఉన్న సుమ.. ఏ పోస్ట్ చేసిన వైరల్ అవుతుంటుంది. రీసెంట్ గా సుమ చేసిన ఫోటోషూట్ కి రాజీవ్ ఆశ్చర్యపోయాడు. ఆ రియాక్షన్ కి ఓ రేంజ్ లో కామెంట్లు వచ్చాయి. ఇలా ఎప్పుడు సుమ ట్రెండింగ్ లో ఉంటుంది.