English | Telugu
యూట్యూబ్ ట్రెండింగ్ లో అమ్మ పాడే జోల పాట!
Updated : May 25, 2024
ఈ సృష్టిలో ప్రతీ మనిషికి అమ్మ పాటే జోల పాట.. మొదటి గురువు అమ్మే. నాన్న నడక నేర్పించినా అమ్మ చెప్పే మాటలు వింటూనే ఏ పిల్లాడైన ఎదుగుతుంటాడు. అయితే మన తెలుగు సినిమా పరిశ్రమలో అమ్మ ఎమోషన్ తో ఎన్నో సినిమాలు వచ్చాయి.
అమ్మ సెంటిమెంట్ తో వచ్చిన ప్రతీ సినిమా హిట్ అయింది. ప్రతీ సీను ఎక్కువ మందిని కట్టిపడేస్తుంది. అప్పటి అమ్మ రాజీనామా సినిమా నుండి మొదలుకొని ఇప్పటి బహుబలి, కెజిఎఫ్ వరకు అమ్మ పాత్రలకి వారితో కొడుకులకి ఉండే ఎమోషనల్ బాండింగ్ ని ప్రేక్షకులు మర్చిపోరు. తాజాగా యూట్యూబ్ లో అమ్మ గురించి ఓ రచయిత అద్భుతమైన లిరిక్స్ రాసాడు. ఈ పాటని ఓ కొత్త సింగర్ పాడడంతో .. దీనికి మరింత ఫ్రెష్ నెస్ లభించింది. ఆ పాట పేరు " అమ్మ పాడే జోల పాట". సురేందర్ మిట్టపల్లి రాసిన ఈ పాటని ఎర్రమ్ జాహ్నవి పాడింది. సిస్కో డొస్కో మ్యూజిక్ అందించగా.. కర్రి అశోక్ ఎడిటింగ్ చేశాడు. ఇక ఈ పాట ' మిట్టపల్లి స్టూడియో' యూట్యూబ్ ఛానెల్ లో రెండు వారాల క్రితం రిలీజ్ అయ్యింది. ఇప్పటివరకు ఈ పాటని దాదాపు ఇరవై లక్షల మంది చూశారు.
ఇక ఈ పాట ఇన్ స్టాగ్రామ్ లో ఫుల్ ట్రెండింగ్ లో ఉంది. ఇన్ స్టాగ్రామ్ లో అమ్మ పాడే జోల పాట అనే లిరిక్స్ విని.. ఏంట్రా ఈ పాట ఇంత ఫ్రెష్ గా ఉందని కొంతమంది నెటిజన్లు కామెంట్లు చేస్తున్నారు. ఇన్ స్టాగ్రామ్, యూట్యూబ్ లో ఈ పాట ప్రస్తుతం ఫుల్ ట్రెండింగ్ లో ఉంది. చూడనివారు ఓసారి చూసేయ్యండి.