బిగ్ బాస్ సీజన్-7 లో ది మోస్ట్ వరెస్ట్ కంటెస్టెంట్ ‌ఎవరంటే శోభాశెట్టి అని అందరు చెప్తుంటారు. బిగ్ బాస్ సీజన్-7 తుదిదశకు చేరుకోవడంతో ఆసక్తికరంగా మారింది.

ప్రస్తుతం శివాజీ, ప్రియాంక, శోభాశెట్టి, అమర్ దీప్, యావర్, ప్రశాంత్, అర్జున్ హౌస్ లో ఉన్నారు. కాగా ఓట్ అప్పీల్ కోసం గత వారం రోజులుగా టాస్క్ లు ఇస్తున్నాడు బిగ్ బాస్. నిన్నటి ఎపిసోడ్ లో వండర్ ఉమెన్ గా రెడీ చేయాలని రెండు టీమ్ లకి చెప్పాడు. శోభా శెట్టిని యావర్-అర్జున్ కలిసి రెడీ చేశారు. ఇక ప్రియాంకను శివాజీ-ప్రశాంత్‌లు ముస్తాబు చేశారు. దీనికి అమరం సంచాలక్‌గా వ్యవహరించాడు. ఇక రెడీ అయిన ఇద్దరూ బాగానే స్టిల్స్ ఇచ్చారు. ఇద్దరూ సమానమే కానీ వండర్ ఉమెన్‌గా ప్రియాంకను డిక్లర్ చేస్తున్నానని అమర్ అనౌన్స్ చేయగానే శోభాశెట్టి ముఖం మాడిపోయింది. అయిన శోభా థండర్ ఉమెన్‌ కానీ వండర్ ఉమెన్ కాదుగా అనుకున్నాడో ఏమో కానీ అమర్ దీప్ మాత్రం ప్రియాంకకే ఓటు వేశాడు.

ఇక టాస్క్ ముగిసాక.. " ఇది నేను ఊహించిందే" అంటూ అర్జున్‌తో శోభా అంది. అలా శోభాశెట్టి అన్నది విన్న అమర్ దీప్ ఫైర్ అయ్యాడు. ఫన్ టాస్క్ ఫన్‌గా తీసుకో పిచ్చిదానా అని అనగా.. పిచ్చి గిచ్చి అనకు అమర్.. ఏం మాట్లాడుతున్నావ్? ఊహించినవాళ్లకే ఇచ్చినప్పుడు అలానే వస్తాయ్ మాటలు అంటూ శోభా పొగరు చూపించింది. అమర్ దీప్ కోపంగా లోపలికి వెళ్లి.. మనకి మనకి మధ్య యునిటీ లేకపోతే ఎలా శోభా.. కాసేపు ప్రశాంతంగా ఉండవే.. ప్రతి చిన్న విషయానికి కొట్లాడి చస్తావ్ అంటూ ఫ్రస్ట్రేషన్‌తో పక్కకి పోయాడు. తర్వాత కెమెరా దగ్గరికెళ్లి వండర్ ఉమెన్స్ కాదు నాకు సెవన్ వండర్స్ కనిపించాయంటూ కెమెరాలకు చెప్పుకున్నాడు అమర్ దీప్. అయితే అక్కడే ఉన్న అర్జున్ వెంటనే కెమెరా దగ్గరికెళ్లి.. "బిగ్‌బాస్ నాకు ఒక సామెత గుర్తొచ్చింది. కరవద్దంటే పాముకి కోపం, కరవమంటే కప్పకి కోపం అన్నట్టు మధ్యలో వీడు ఉండిపోయాడు" అని అమర్ ని ఉద్దేశించి అర్జున్ చెప్పాడు. దీంతో ఏమనాలో తెలిక అమర్ అలా నవ్వుకుంటూ లోపలికి పోయాడు. కానీ శోభా దెబ్బకి మాత్రం అమర్‌కి చుక్కలు కనిపించాయనేది వాస్తవం.