‘బిగ్ బాస్ సీజన్ 6 ద్వారా పాపులర్ అయిన వారిలో కాస్త ఎక్కువగా విన్న పేరు వాసంతి కృష్ణన్. బిగ్ బాస్ హౌస్ లోకి ఎంట్రీ ఇచ్చిన గ్లామర్ బ్యూటీల్లో ఈమె కూడా ఒకరు. అలాంటి ఈమె ఇప్పుడు ఎంగేజ్మెంట్ చేసుకుంది. ఇక తన కాబోయే భర్త పేరు పవన్ కళ్యాణ్. ఈ ఇద్దరు పెద్దల సమక్షంలో నిశ్చితార్థం చేసుకుని ఉంగరాలు మార్చుకున్నారు. ఈ వేడుకకు బిగ్ బాస్ సెలబ్రిటీస్ అంతా వచ్చారు. అర్జున్ కళ్యాణ్, గీతూ రాయల్, శ్రీసత్య, ఇనాయ సుల్తానా, ఆర్జే సూర్య, యాంకర్ ధనుష్ అంతా వెళ్లి సందడి చేశారు. తిరుపతిలోని తాజ్ హోటల్ లో ఈ వేడుక ఘనంగా జరిగింది. అందుకే నిన్న మొన్న అంతా కూడా బిగ్ బాస్ సీజన్ 6 కంటెస్టెంట్స్ అంతా వన్ బై వన్ తిరుమల వెళ్లి స్వామి వారి దర్శనం చేసుకుని పనిలో పనిగా వాసంతి ఎంగేజ్మెంట్ లో సందడి చేసి వచ్చారు. వాసంతి పుట్టింది తిరుపతిలో, ఈమె కన్నడ మూవీస్ ద్వారా ఎంట్రీ ఇచ్చింది.

సిరిసిరి మువ్వలు అనే సీరియల్ తో తెలుగు ఇండస్ట్రీలోకి ఎంట్రీ ఇచ్చింది. అలాగే గోరింటాకు, గుప్పెడంత మనసు సీరియల్స్ లో కూడా ఈమె నటించింది. గుప్పెడంత మనసులో రిషిని మొదట ప్రేమించే అమ్మాయి సాక్షి రోల్ లో వాసంతి మొదట నటించింది. కాలిఫ్లవర్ అనే మూవీలో హీరోయిన్ గా చేసింది. వాంటెడ్ పండుగాడు, భువన విజయం, సిఎస్ఐ సనాతన్ అనే మూవీస్ లో కూడా నటించింది. ఎందులో చేసిన కూడా ఈమెకు పెద్దగా గుర్తింపు రాలేదు. కానీ బిగ్ బాస్ సీజన్ 6 లో హౌస్ మెట్ గా మాత్రం అందరి హృదయాలను దోచేసింది ఈ అమ్మడు. ఇక ఈ ఎంగేజ్మెంట్ పిక్స్ ని తన ఇన్స్టాగ్రామ్ లో షేర్ చేసేసరికి నెటిజన్స్ విషెస్ చెప్తూనే ఆశ్చర్యపోతున్నారు. "వాసంతి అక్కకు అప్పుడే పెళ్లా, మా వాసంతి అక్కను బాగా చూసుకోండి" అంటున్నారు.