శ్రీదేవి డ్రామా కంపెనీ నెక్స్ట్ వీక్ ప్రోమో రిలీజ్ అయింది. ఐతే ఇప్పుడు కొత్త కాన్సెప్ట్ తో ముందుకొచ్చారు డ్రామా కంపెనీ వాళ్ళు. శ్రీదేవి సెట్ మొత్తాన్ని కూడా స్మశానంలా మార్చేశారు. ఇందులో ఆది, నాటీ నరేష్ ఇద్దరూ ఇద్దరూ నల్ల రెండు డ్రెస్సులో కనిపించారు. ఇక దెయ్యం గెటప్ లో రోహిణి వైట్ శారీలో "నంది కొండా వాగుల్లో" అనే పాటకు డాన్స్ చేస్తూ ఆదిని ఆట పట్టిస్తూ కనిపించింది. శ్రీదేవి డ్రామా కంపెనీ వాళ్ళు ఆ సెట్ ని శ్రీదేవిపురంగా మార్చేశారు.

తర్వాత మిగతా జెంట్స్ దెయ్యాలు వచ్చారు. ఆది మీదకు వచ్చి వాళ్లంతా దాడి చేసేసరికి "ఇంతకు మీకేం కావాలో చెప్పండి" అని అడిగాడు. "మా ఆత్మలు శాంతించేలా ఏదో ఒకటి చెయ్యి" అన్నాడు బులెట్ భాస్కర్. "అంటే మీ కోరికలు తీరిస్తే ఈ ఊరు వదిలి వెళ్ళిపోతారు అంతేనా" అన్నాడు ఆది. తరువాత దెయ్యంతో పెళ్లి చూపులు అనే కాన్సెప్ట్ తో ఒక స్కిట్ వేశారు. అందులో సద్దాం దెయ్యంలా పిల్లనిచ్చేవాడిగా కనిపించాడు. దెయ్యాన్ని పెళ్లి చేసుకునే పెళ్లికొడుకుగా యాదమ్మ రాజు కనిపించాడు. ఫైనల్ గా ఒకవేళ చనిపోయిన వాళ్ళు ఆర్టిఫీషియల్ ఇంటెలిజెన్స్ ద్వారా తెర మీదకు వచ్చి మాట్లాడితే ఎలా ఉంటుంది అనే కాన్సెప్ట్ ని ఈ ఎపిసోడ్ లో ప్రవేశపెట్టారు. అందులో పటాస్ ప్రవీణ్ వాళ్ళ అమ్మ, అలాగే పండు వాళ్ళ అమ్మ, తాగుబోతు రమేష్ వాళ్ళ అమ్మా నాన్నని చూపించి వాళ్ళతో మాట్లాడించారు. "చిన్నా ప్రవీణ్ బాగున్నావా" అని ప్రవీణ్ వాళ్ళ అమ్మ ఏఐ మాట్లాడితే, "చింటూ ఎలా ఉన్నావ్ రా" అని పండు వాళ్ళ అమ్మ మాట్లాడినట్టు చూపించారు. ఇక వాళ్ళ అమ్మలు చూసాక ఏడ్చేశారు. "రోజూ పడుకునే ముందు అమ్మనే తలుచుకుంటా" అన్నాడు ప్రవీణ్, "మా అమ్మ వాయిస్ ఎలా ఉంటుందో నాకు తెలీదు..కానీ ఈ వాయిస్ వినేసరికి నాకు కాళ్ళూ చేతులు ఆడలేదు" అని ఫీలయ్యాడు పండు. "చిన్నప్పుడు మా అమ్మ చనిపోతే మొత్తం చీకటైపోయినట్టు ఐపోయింది" అంటూ తాగుబోతు రమేష్ ఏడుస్తూ చెప్పాడు.