ఎక్స్ట్రా జబర్దస్త్ లేటెస్ట్ ప్రోమో రిలీజ్ అయ్యింది. ఈ ఎపిసోడ్ ప్రోమో చూస్తుంటే గెటప్ శీను మళ్ళీ ఫామ్ లోకి వచ్చేసినట్లు తెలుస్తోంది. జబర్దస్త్ కంటే కూడా ఇప్పుడు ఎక్స్ట్రా జబర్దస్త్ కే కాస్త రేటింగ్ ఎక్కువగా వస్తున్నట్టు కనిపిస్తోంది. ఇక ఇప్పుడు ఈనెల‌ 5న ప్రసారం కాబోయే ఎపిసోడ్ కి 'రైటర్ పద్మభూషణ్' మూవీ నుంచి యాక్టర్ సుహాస్, యాక్ట్రెస్ టీనా శిల్పరాజ్ గెస్టులుగా వచ్చేసారు.

కాసేపు వీళ్ళిద్దరూ తమ మూవీలోంచి కొన్ని డైలాగ్స్ చెప్పాక కెవ్వు కార్తీక్ తన స్కిట్ తో ఎంట్రీ ఇచ్చాడు. 'స్టాలిన్' మూవీలో చిరంజీవిలా కెవ్వు కార్తిక్ పెర్ఫార్మ్ చేశాడు. హీరోయిన్ గా వర్ష ఎంటర్టైన్ చేసేస్తుంది. "నీకోసం ఒకటి చెప్పాలని వచ్చాను, ఒకటి ఇవ్వాలని వచ్చాను" అని వర్ష అనేసరికి కార్తిక్ ఏమో "నో.. నో.. నువ్వు ఏదైనా ఇవ్వాలి అనుకుంటే ముందు ముగ్గురికి ఇవ్వు. తర్వాత ఆ ముగ్గురిని ఇంకో ముగ్గురికి ఇవ్వమని చెప్పు" అన్నాడు. వర్ష తల పట్టుకుంది.

కెవ్వు కార్తిక్ చెప్పిన డైలాగ్ కి ఇంద్రజ మధ్యలో వచ్చి "అంటే ముద్దు కూడా ముగ్గురికి ఇవ్వాలా" అంటుంది. అంతే ఊహించని పరిణామానికి షాక్ అయ్యాడు కార్తీక్. తర్వాత గెటప్ శీను, రాంప్రసాద్ పోలీస్ ఆఫీసర్ గా, కానిస్టేబుల్స్ గా వచ్చి స్కిట్ వేశారు. ఆ స్కిట్ లో అన్నపూర్ణమ్మ ఖైదీగా వచ్చింది. గెటప్ శీను వచ్చి సంతకం పెట్టమంటే "నేను పెట్టాను" అంటూ ముఖంలోకి చూడకుండా షర్ట్ కేసి చూస్తూ మాట్లాడుతుంది.

"ఏంటి అక్కడ చూసి మాట్లాడుతున్నావ్" అన్నాడు శీను. "నేను అక్కడే చూస్తాను నీ ముఖం చూస్తాను.. చెంబుచ్చుకుని వెళ్లే ముఖం నువ్వూనూ".. అని అన్న‌పూర్ణ‌మ్మ అనేసరికి శీను ఇచ్చే ఎక్స్‌ప్రెష‌న్స్ మాములుగా ఉండవు. "అన్నపూర్ణమ్మ కంటే పెర్ఫామెన్స్ నేను చాలా తక్కువగా చేస్తున్నట్టు అనిపిస్తోంది" అని శీను అనేసరికి అందరూ నవ్వేస్తారు. ఇలా ఈ ఎపిసోడ్ నెక్స్ట్ వీక్ అందరినీ ఎంటర్టైన్ చేయబోతోంది.