కొందరు కారు కొన్నా సెలబ్రేట్ చేసుకుంటారు. మరికొందరు కుక్కని కొన్నా పండగలా చేస్తారు. అయితే ఇన్స్టాగ్రామ్ లో ఫాలోవర్స్, యూట్యూబ్ లో సబ్ స్క్రైబర్స్ పెరిగితే కూడా హ్యాపీగా కేక్ కట్ చేస్తూ సెలబ్రేట్ చేసుకుంటారని ఇప్పుడే తెలిసింది. అలా జరుపుకుంది ఎవరో కాదు శివజ్యోతి అలియాస్ జ్యోతక్క.

జ్యోతక్క యూట్యూబ్ ఛానెల్ తాజాగా వన్ మిలియన్ సబ్ స్క్రైబర్స్ ని చేరుకుంది. అదే విషయాన్ని తెలియజేస్తూ తన ఛానెల్ ని ఫాలో అవుతు సబ్ స్క్రైబ్ చేసుకున్న ప్రతీ ఒక్కరికి థాంక్స్ చెప్తూ ఓ కేక్ ని కూడా కట్ చేసింది. ఇక ఇదంతా తనని ఆచరిస్తున్న అభిమానులకి అంకితమంటూ చెప్పుకొచ్చింది జ్యోతక్క‌. అందరిని కలుపుకుపోయే శివజ్యోతి మాటతీరుని చూసి ఇష్టపడని వారంటు ఎవరూ ఉండరు. బిగ్ బాస్ ద్వారా కోట్లాది ప్రేక్షకులకు దగ్గర అయింది శివజ్యోతి. బిగ్ బాస్ తో సెలబ్రిటీ లిస్ట్ లో చేరింది. తీన్మార్ సావిత్రిగా ప్రముఖ టీవీ ఛానల్ లో న్యూస్ రీడర్ గా చేసిన శివజ్యోతి.. తన మాట తీరుతో అందరిని ఆకట్టుకుంది. తెలంగాణ యాసతో పాటు తను మాట్లాడే తీరు ప్రతి ఒక్కరికి కనెక్ట్ అయ్యేలా చేసింది. దాంతో మంచి క్రేజ్ సంపాదించుకుంది శివజ్యోతి. అంతే కాకుండా బిగ్ బాస్ 3 లో ఎంట్రీ ఇచ్చి హౌస్ లో మంచి పర్ఫార్మన్స్ ఇచ్చి అందరిని ఆకట్టుకుంది. బిగ్ బాస్ 3 లో మోస్ట్ ఎమోషనల్ గా శివజ్యోతి ని చెప్తారు... బిగ్ బాస్ తర్వాత శివ జ్యోతి కి కెరీర్ కి బ్రేక్ పడింది మళ్ళీ వెనక్కి తిరిగి చూసుకోలేనంత మంచి సక్సెస్ ఫుల్ లైఫ్ ని గడుపుతుంది.

శివజ్యోతి తన యూట్యూబ్ ఛానెల్, ఇన్స్టాగ్రామ్ ద్వారా ప్రేక్షకులకు ఎప్పటికప్పుడు దగ్గరగా ఉంటూ వస్తుంది. శివజ్యోతి భర్త గంగూలీ కూడా అందరికి సుపరిచితమే. అప్పట్లో శివజ్యోతి, గంగూలీ కలిసి ఇస్మార్ట్ జోడిలో పార్టిసిపేట్ చేసి అందరిని మెప్పించారు. అయితే కొన్నిరోజుల క్రితం శివజ్యోతి‌ చేసిన ' పెద్దమ్మ తల్లికి యాటను కోసినం' అనే వ్లాగ్ ఎంత వైరల్ అయిందో అందరికి తెలిసిందే. ఇక యూట్యూబ్ లో తను చేసే వ్లాగ్స్ కి లక్షల్లో వ్యూస్ వస్తున్నాయి. భార్యాభర్తల ప్రాబ్లమ్స్ ని , వారి మధ్య జరిగే జోక్స్ ని ఫన్నీగా ఇన్స్టాగ్రామ్ లో రీల్స్ చేస్తూ ఎప్పుడు ట్రెండింగ్ లో ఉంటున్నారు. దుబాయ్ కి వెళ్ళి అక్కడ వాళ్ళు తిరిగిన టూర్ ని వ్లాగ్ చేయగా అది ట్రెండింగ్ లోకి వెళ్ళింది‌‌. ఇలా యూట్యూబ్ లో ఎప్పుడు ట్రెండింగ్ లో ఉండే శివజ్యోతి యూట్యూబ్ ఛానెల్ వన్ మిలియన్ సబ్ స్క్రైబర్స్ ని చేరుకోవడంతో తన హ్యాపీనెస్ ని నెటిజన్లతో పంచుకుంది. ఇప్పుడు ఇది నెట్టింట వైరల్ గా మారింది.