పవన్ గబ్బర్ సింగ్ డైలాగ్ అదుర్స్ అని ఫిలిం నగర్ వర్గాలంటున్నాయి. వివరాల్లోకి వెళితే పవన్ కళ్యాణ్ క్రియెటీవ్ వర్క్స్ పతాకంపై, పవర్ స్టార్ పవన్ కళ్యాణ్ హీరోగా, సారా జేన్ దియాస్ హీరోయిన్ గా, "షాక్, మిరపకాయ్" చిత్రాల దర్శకుడు హరీష్ శంకర్ దర్శకత్వంలో, పవన్ కళ్యాణ్ నిర్మిస్తున్న చిత్రం" గబ్బర్ సింగ్". బాలీవుడ్ లో సల్మాన్ ఖాన్ హీరోగా వచ్చిన సూపర్ హిట్ చిత్రం"దబాంగ్" సినిమాకు ఈ "గబ్బర్ సింగ్" రీమేక్ గా తీస్తున్నారు. ఈ "గబ్బర్ సింగ్" చిత్రానికి ప్రముఖ దర్శకుడు క్రిష్ మాటలు వ్రాస్తున్నారు.

ఈ "గబ్బర్ సింగ్" చిత్రంలోని ఒక డైలాగ్ తెలుగువన్ చేతికి చిక్కింది. ఆ డైలాగ్ ఇలా ఉంది. "లైఫ్ లో రెండు విషయాల్లో జాగ్రత్తగా ఉండాలి. ఒకటి నాతో మాట్లాడేటప్పుడు. రెండు నాతో పోట్లాడేటప్పుడు". ఇది ఆ డైలాగ్. ఇలాంటి మాటలకు పవన్ కళ్యాణ్ నటన తోడై, హరీష్ శంకర్ దర్శకత్వ ప్రతిభతో, దేవీ శ్రీ ప్రసాద్ సంగీతం కలిస్తే ఆ "గబ్బర్ సింగ్" సినిమా ఎలా ఉంటుందో ఊహించండి. ప్రస్తుతం ఫెడరేషన్ స్ట్రైక్ వల్ల "గబ్బర్ సింగ్" చిత్రం ప్రారంభోత్సవం వాయిదా పడింది కానీ లేకుంటే ఈపాటికి కలకత్తాలో ఈ చిత్రం షూటింగ్ జరుగుతూండాల్సింది.