ఈమ‌ధ్య క‌థానాయిక‌లు మ‌రీ తెలివిమీరిపోయారు. పారితోషికం విష‌యంలో ఏమాత్రం మొహ‌మాట‌ప‌డ‌డం లేదు. నాలుగు డ‌బ్బులొచ్చే అవ‌కాశాల్ని వ‌దులుకోవ‌డం లేదు. త‌మ‌న్నా కూడా త‌న తెలివితేట‌ల్ని బాగానే ప్ర‌ద‌ర్శిస్తోంది. క‌థానాయిక‌గా రాణిస్తూనే, ఐటెమ్ పాట‌ల‌తో అద‌ర‌గొడుతోంది, అల్లుడు శ్రీ‌నులో ఓ ఐటెమ్ పాట కోసం దాదాపు రూ75 ల‌క్ష‌లు అందుకొన్న త‌మ‌న్నా... ఇప్పుడు స్పీడున్నోడు సినిమాకీ అంతే పారితోషికం అందుకొంది. నిజానికి ఈ పాట విష‌యంలోనే త‌మ‌న్నా త‌న తెలివితేట‌ల్ని ప్ర‌ద‌ర్శించింది. అస‌లు విష‌యానికొస్తే...

స్పీడున్నోడు లో త‌మ‌న్నాతో ఐటెమ్ సాంగ్ చేయించాల‌న్న ఆలోచ‌నే లేద‌ట‌. కానీ త‌మన్నా కోస‌మే ఐటెమ్ పాట ఇరికించారు. అదెలాగంటే... బెల్లంకొండ శ్రీ‌నివాస్ - బోయ‌పాటి శ్రీ‌ను కాంబినేష‌న్లో ఓ సినిమా అప్ప‌ట్లో లాంచ్ అయ్యింది. అందులో క‌థానాయిక‌గా త‌మ‌న్నాని ఎంచుకొని అడ్వాన్స్ కూడా చెల్లించారు. అయితే ఆ సినిమా అనుకోని కార‌ణాల వ‌ల్ల వాయిదా ప‌డింది. త‌మ‌న్నా తీసుకొన్న అడ్వాన్స్ వెన‌క్కి ఇచ్చేయాల్సిన ప‌రిస్థితి వ‌చ్చింది. ఇక్క‌డే త‌మన్నా తెలివి చూపించింది. 'అడ్వాన్స్ వెన‌క్కి ఇవ్వ‌ను. కావాలంటే.. నాతో మ‌ళ్లీ ఐటెమ్ సాంగ్ చేయించుకోండి ' అంద‌ట‌. అడ్వాన్స్ ఎలాగూ పోతుంది కాబ‌ట్టి.. త‌మన్నాతో ఐటెమ్ పాట అత్య‌వ‌స‌రంగా చేయించాల్సివ‌చ్చింది. అదీ.. త‌మ‌న్నా బ్రెయిన్‌. క‌థానాయిక‌లంతా ఇలానే ఆలోచిస్తే.. నిర్మాత‌లంతా ఏమైపోతారో?