English | Telugu
‘కరుప్పు’ టీజర్ ద్వారా సూర్య చెప్పాలనుకున్నది అదే!
Updated : Jul 24, 2025
కొత్త తరహా సినిమాలు, క్యారెక్టర్లు చెయ్యడం అంటే తమిళ హీరోలకు ఎంతో ఇష్టం. క్యారెక్టర్ తమకు నచ్చితే దాని కోసం ఎంత రిస్క్ చెయ్యడానికైనా, ఎంత డీగ్లామర్గా కనిపించడానికైనా వారు రెడీ అయిపోతారు. అలా.. సినిమా కోసం దేనికైనా సిద్ధపడే హీరో సూర్య. ఇప్పటివరకు సూర్య చేసిన సినిమాలు పరిశీలిస్తే.. ఈ విషయం అర్థమవుతుంది. ఎన్నో జోనర్స్లో సినిమాలు చేసిన సూర్య ఇప్పుడు మరో కొత్త జోనర్లో ‘కరుప్పు’ అనే సినిమా చేశారు. నటుడు, దర్శకుడు ఆర్.జె. బాలాజీ దర్శకత్వంలో ఈ సినిమా రూపొందింది. డిఫరెంట్ కాన్సెప్ట్లతో సినిమాలు చెయ్యడం బాలాజీ ప్రత్యేకత. ఇప్పుడు సూర్యతో చేస్తున్న ‘కరుప్పు’ కూడా ఒక డిఫరెంట్ సినిమాలా కనిపిస్తోంది.
సూర్య పుట్టినరోజు సందర్భంగా ‘కరుప్పు’ టీజర్ను విడుదల చేశారు. టీజర్ చూస్తుంటే ఇది ఔట్ అండ్ ఔట్ మాస్ మసాలా మూవీలా కనిపిస్తోంది. సూర్య డిఫరెంట్ గెటప్లో కనిపిస్తున్నారు. ‘కొబ్బరికాయ కొట్టి కర్పూరం వెలిగిస్తే శాంతించే దేవుడు కాదు.. మనసులో మొక్కుకొని మిరపకాయలు దంచితే రుద్రుడై దిగొచ్చే దేవుడు..’ అంటూ ప్రారంభమైన టీజర్లో మాస్ ఎలిమెంట్స్ ఎక్కువ కనిపించాయి. దానికి తగ్గట్టుగానే సూర్య డైలాగ్స్ కూడా ఉన్నాయి. ఆర్.జె.బాలాజీ గతంలో నయనతార ప్రధాన పాత్రలో రూపొందించిన ‘అమ్మోరు తల్లి’ పోలికలు ఈ సినిమాలో కనిపించాయి. టీజర్ మొదటి నుంచి చివరి వరకు యాక్షన్ సీన్సే ఎక్కువగా కనిపించాయి.
ఇటీవలికాలంలో వచ్చిన చాలా సినిమాల్లాగే సీన్స్గానీ, ఎలివేషన్స్గానీ కనిపించాయి. కథ ఏమిటి అనేది టీజర్ ద్వారా తెలియకపోయినా.. ఏదో డిఫరెంట్ ఎలిమెంట్ ఉంది అనేది అర్థమవుతోంది. విజువల్ ఎఫెక్ట్స్ కూడా బాగున్నాయి. సాయి అభ్యంకర్ బ్యాక్గ్రౌండ్ స్కోర్ కూడా బాగుంది. ఈమధ్యకాలంలో సూర్యకు సరైన హిట్ లేదు. ఎన్నిరకాలుగా ప్రయత్నించినా అతన్ని పరాజయాలే వెంటాడుతున్నాయి. మరి ‘కరుప్పు’లో సూర్య కాన్ఫిడెన్స్ చూస్తుంటే ఈసారి తప్పకుండా బ్లాక్బస్టర్ కొట్టేలా కనిపిస్తున్నాడు. ఈ టీజర్ ద్వారా అదే చెప్పాలని ప్రయత్నించాడు.