English | Telugu
సెప్టంబర్ 4న 'రుద్రమదేవి'
Updated : Jul 24, 2015
ఎట్టకేలకు దర్సకుడు గుణశేఖర్ అత్యంత ప్రతిష్టాత్మకంగా తెరకెక్కిస్తున్న 'రుద్రమదేవి' సినిమా రిలీజ్ డేట్ ప్రకటించాడు. అసలు ఎప్పుడో ఈ సినిమా షూటింగ్ పూర్తయినప్పటికీ మధ్యలో కొన్ని ఆర్ధిక ఇబ్బందులు.. దానికి తోడు బాహుబలి సినిమా కూడా విడుదలయ్యేసరికి 'రుద్రమదేవి సినిమా రిలీజ్ డైలమాలో పడింది. అయితే ఇప్పుడు ఈ చిత్రాన్ని విడుదల చేయాలని గుణశేఖర్ నిర్ణయించుకున్నట్టు తెలుస్తోంది.
ఈ నేపథ్యంలో సెప్టంబర్ 4వ తేదీన 'రుద్రమదేవి' చిత్రాన్ని భారి ఎత్తున విడుదల చేయనున్నట్టు ప్రకటించారు. అయితే మొదట తెలుగు, తమిళ, మళయాళ భాషల్లో విడుదల చేస్తామని తెలిపారు. హిందీలో ఎప్పుడు విడుదల చేస్తారన్నది మాత్రం చెప్పలేదు. ఈ చిత్రంలో ముఖ్య పాత్రలో అనుష్క, రానా, అల్లు అర్జున్ నటించారు. 'రుద్రమదేవి' తొలి హిస్టారికల్ స్టీరియోస్కోపిక్ 3డీ చిత్రం కావడం విశేషం. ఇప్పటికే బాహుబలి సినిమాతో ప్రేక్షకులు ఫుల్లు హ్యాపీతో ఉన్నారు... ఇక రుద్రమదేవి కూడా వచ్చిందంటే అభిమానులకు ఫుల్లు ఫీస్టే.