పవన్ కళ్యాణ్ ఆడంబరాలకు చాలా దూరం. జనానికి, కెమేరాలకు వీలైనంత డిస్టెన్స్ మెయింటెయిన్ చేయాలనుకుంటారు. కానీ వృత్తి పరంగా అందుకు వ్యతిరేకంగా కెమేరాలకు కనిపించాలి. జనం ముందుకొచ్చి మాట్లాడాలి. అయినా ఇప్పటికీ, తనకు ఇంత ఫేమ్ అండ్ నేమ్ ఉన్నా, పబ్లిసిటీకి చాలా దూరంగానే ఉంటారు పవర్ స్టార్. సర్దార్ ఆడియోకు ముందు కూడా, తనకు ఆడియో ఫంక్షన్లలాంటివి నచ్చవని, కానీ అభిమానుల కోసం తప్పట్లేదని ఖచ్చితంగా చెప్పేశారాయన. లేటెస్ట్ టాక్ ప్రకారమైతే, ఇక సినిమా రిలీజయ్యే వరకూ మళ్లీ పవన్ కనిపించే అవకాశం లేదు. ఈ మూవీలో కేవలం నటించడమే కాక, స్క్రీన్ ప్లే, కథ, కొరియోగ్రఫీ, ఫైట్స్ ఇలా ఆల్ మోస్ట్ అన్ని డిపార్ట్ మెంట్స్ లోనూ ఆయన హ్యాండ్ ఉంది.

ఒక్క మాటలో చెప్పాలంటే, తనలాంటి హీరోను ఎలా హ్యాండిల్ చేయాలి అన్నదానిపై డైరెక్టర్ బాబీకి తనే అండగా నిలిచాడు. పైగా ప్రొడ్యూసర్ కూడా. దాంతో ఈ సినిమా కోసం తన పాత పద్ధతులు పక్కన పెట్టి, విపరీతమైన ప్రెస్ మీట్లతో పవన్ హోరెత్తిస్తాడని అందరూ అనుకున్నారు. దానికి భిన్నంగా, పవన్ మళ్లీ తెలుగు మీడియాలో కనిపించలేదు. కేవలం ట్రైలర్లు, సాంగ్స్ తో సర్దార్ మోతమోగుతోంది తప్ప, పవన్ ఇంటర్వ్యూలు, ప్రమోషనల్ కార్యక్రమాల్లాంటివేమీ పెట్టుకోలేదు. ఇక డైరెక్ట్ గా సినిమా హిట్టైన తర్వాతే, అత్తారింటికి దారేది సినిమాకు పెట్టినట్టు, అభిమానులకు థ్యాంక్స్ గివింగ్ ఫంక్షన్ పెడతాడట పవన్. అసలు బయటికి రావడమే కష్టంగా ఉండే ఆయన, తన అభిమానులకోసం ఎలాంటి ఫంక్షన్ పెట్టినా వాళ్లకు అదే పదివేలు..!