English | Telugu
మహేష్ బాబు ఉగాది స్పెషల్ టీజర్
Updated : Mar 24, 2016
మహేష్ బ్రహ్మోత్సవంకు సంబంధించి చిన్న సాంగ్ టీజర్ తప్ప, ఇప్పటి వరకూ ఇంకే డిటెయిల్స్ రిలీజ్ చేయలేదు మూవీ టీం. దీంతో సినిమా ఎలా ఉండబోతోందన్న ఆసక్తి మహేష్ ఫ్యాన్స్ లో ఉంది. సమ్మర్ హీట్ లో కూల్ మూవీగా దీన్ని రిలీజ్ చేసేందుకు నిర్మాతలు ప్లాన్ చేస్తున్నారు. ఈ లోపే అభిమానులకు ఏదోక సర్ ప్రైజ్ గిఫ్ట్ ఇవ్వాలనుకున్న మూవీ టీం అందుకు ఉగాదిని వేదికగా చేసుకుంది. ఏప్రిల్ 8న ఉగాది సందర్భంగా, ఒక స్పెషల్ టీజర్ ను ఆ రోజు రిలీజ్ చేయాలనుకుంటున్నారు.
సీతమ్మ వాకిట్లో సిరిమల్లె చెట్టు లాంటి పీల్ గుడ్ మూవీ తర్వాత, మహేష్ శ్రీకాంత్ అడ్డాల కాంబినేషన్ కావడం, బ్రహ్మోత్సవం అని చక్కటి తెలుగు టైటిల్ పెట్టడం అన్నీ కలిసి ఈ మూవీపై మంచి అంచనాలను క్రియేట్ చేశాయి. దాంతో ప్రిన్స్ ఫ్యాన్స్ అందరూ ఆ రోజు కోసం ఎదురుచూపుల్లో పడ్డారు. బ్రహ్మోత్సవం టీజర్ రిలీజ్ తో పాటు సర్దార్ మూవీ రిలీజ్ కూడా అదే రోజు కావడం కొసమెరుపు. మహేష్ టీజర్, పవన్ సినిమా రెండూ హిట్టయితే, టాలీవుడ్ కు పండగే. పివిపి సంస్థ భారీ బడ్జెత్ తో నిర్మిస్తున్న బ్రహ్మోత్సవం సినిమాకు మిక్కీ జే మేయర్ సంగీతాన్ని అందిస్తున్నారు. మహేష్ సరసన కాజల్, సమంత, ప్రణీత హీరోయిన్లుగా నటిస్తున్నారు.