English | Telugu
హృతిక్, కంగనా, ఓ అమీర్ ఖాన్..!
Updated : Apr 19, 2016
బాలీవుడ్ సూపర్ స్టార్స్ హృతిక్ కంగనాల మధ్య లవ్ ఏమాత్రం సాగిందో కానీ, కేసుల గోల మాత్రం ఎక్కువగానే ఉంది. రోజురోజుకూ ఒకరిపై ఒకరు తమ పర్సనల్ వ్యవహారాన్ని కోర్టు వరకూ ఈడ్చుకుని అభాసుపాలవుతూ వచ్చారు. ఎవరి తప్పు ఎంత ఉందో పక్కన పెడితే, ఎవరో ఒకరు మధ్యలో దూరి విషయాన్ని చక్కబెట్టకపోతే, చాలా దూరం వెళ్తుందేమో అనిపించింది. తాజాగా వీళ్లిద్దరికీ సన్నిహితుడు, బాలీవుడ్ మిస్టర్ పెర్ఫక్షనిస్ట్ అని పేరు పొందిన అమీర్ ఖాన్, సంధి చేసే ప్రయత్నం చేస్తున్నాడట. అటు రోషన్ కుటుంబానికి, ఇటు కంగనా ఫ్యామిలీకి అమీర్ ఖాన్ క్లోజ్ గానే మూవ్ అవుతుంటాడు. అందుకే ఆ చనువుతోనే, వీళ్లిద్దరి గొడవను ఒక కొలిక్కి తెచ్చే ప్రయత్నం చేస్తున్నాడట. ప్రధాని మోడీ ఇచ్చిన ఒక ప్రైవేట్ డిన్నర్ కు అటెండ్ అయిన సమయంలో కంగనతో అమీర్ ప్రత్యేకంగా చాలా సేపు ముచ్చటించాడట. అదంతా ఎఫైర్ గురించేనని బాలీవుడ్ అంటోంది. చిన్న విషయాన్ని ఇద్దరూ కలిసి పెద్దది చేసుకున్నారని అమీర్ నచ్చచెప్పే ప్రయత్నం చేస్తున్నాడట. మరి అమీర్ చొరవతోనైనా, ఈ సెలబ్స్ గొడవకు ఫుల్ స్టాప్ పడుతుందేమో చూడాలి మరి..