English | Telugu
‘గేమ్ ఛేంజర్’ కొత్త అప్డేట్పై అందరూ షాక్.. అది నిజమేనా?
Updated : Aug 10, 2024
ఇటీవల విడుదలైన కమల్హాసన్, శంకర్ల సినిమా ‘భారతీయుడు2’ అందర్నీ నిరాశ పరిచిన విషయం తెలిసిందే. ఇప్పుడు అందరి దృష్టీ రామ్చరణ్తో శంకర్ చేస్తున్న ‘గేమ్ ఛేంజర్’పైనే ఉంది. ముఖ్యంగా అభిమానులు ఈ సినిమా ఎలా ఉండబోతోందోననే ఆందోళనలో ఉన్నారు. అయితే ఇప్పటివరకు ఈ సినిమాకి సంబంధించి వచ్చిన అప్డేట్స్ చూస్తుంటే ఒక యునీక్ సబ్జెక్ట్తోనే ‘గేమ్ ఛేంజర్’ రాబోతోందనే సమాచారం అందుతోంది. భారీ బడ్జెట్తో దిల్రాజు నిర్మిస్తున్న ఈ సినిమాను డిసెంబర్లో సంక్రాంతి కానుకగా విడుదల చేయబోతున్నట్టు ఇదివరకే ప్రకటించారు.
ఈ సినిమాకి సంబంధించి ఓ కొత్త అప్డేట్ ప్రచారంలో ఉంది. దాన్ని చూసి ప్రేక్షకులు, అభిమానులు షాక్ అవుతున్నారు. అదేమిటంటే.. ‘గేమ్ ఛేంజర్’ చిత్రంలో రామ్చరణ్ మూడు పాత్రల్లో కనిపిస్తాడన్న ప్రచారం జరుగుతోంది. ఇది నిజమేనా.. అని అందరూ ఆశ్చర్యపోతున్నారు. అయితే ఆ వార్తలో నిజం లేదని తెలుస్తోంది. ఇప్పటికే ఈ సినిమాలో చరణ్ రెండు పాత్రల్లో కనిపిస్తాడన్న విషయం అందరికీ తెలుసు. నిజాయితీ కలిగిన రాజకీయ నేత అప్పన్నగా, అతని కొడుకు రామ్నందన్గా చరణ్ నటిస్తున్నారు. నందన్ కాలేజ్ డేస్లోని సీన్స్లో, కియారాతో రొమాన్స్ చేసే సీన్స్లో లుక్ ఒకలా ఉంటుంది. ఆ తర్వాత ఐఎఎస్గా మారిన చరణ్ లుక్ మరోలా ఉంటుంది. దీంతో చరణ్ మూడు క్యారెక్టర్స్ చేస్తున్నారన్న వార్త ప్రచారంలోకి వచ్చేసింది. అయితే అందులో ఎంతమాత్రం నిజం లేదని అర్థమవుతోంది. డిసెంబర్లో ఈ సినిమా విడుదలవుతుండగా, నవంబర్లో ప్రమోషన్స్ను మొదలుపెట్టే ఆలోచనలో దిల్రాజు ఉన్నట్టు తెలుస్తోంది.