English | Telugu
ఘనంగా జరగిన " ఏకవీర " ఆడియో రిలీజ్
Updated : Dec 17, 2011
ఘనంగా " ఏకవీర " ఆడియో రిలీజ్ జరిగింది. వివరాల్లోకి వెళితే అమ్మ క్రియేషన్స్ మరియూ కలర్స్ ఫైవ్ పతాకాలపై, ఆది హీరోగా, దన్సిక హీరోయిన్ గా, వసంతబాలన్ దర్శకత్వంలో నిర్మించిన చిత్రం " ఏకవీర ". డిసెంబర్ 17 వ తేదీ సాయంత్రం, మాదాపూర్ లోని దసపల్లా హోటల్లో ఈ " ఏకవీర " చిత్రం మెగాస్టార్, పద్మభూషణ్, డాక్టర్ చిరంజీవి చేతుల మీదుగా, తమిళ యువ హీరో కార్తీ అందుకోగా, సరెగమ ద్వారా మార్కెట్లోకి విడుదల చేయబడింది.
ఈ చిత్రం హీరో ఆది ప్రముఖ రచయిత పినిశెట్టి శ్రీరాములు గారి మనవడు మరియూ ప్రముఖ దర్శకులు రవిరాజా పినిశెట్టిగారి కుమారుడు. " ఏకవీర " హీరో ఆది గతంలో "ఒక విచిత్రం", "మృగం", "వైశాలి" వంటి విభిన్న చిత్రాల్లో హీరోగా నటించాడు.
ఈ సందర్భంగా మెగాస్టార్ ప్రసంగిస్తూ "మా అబ్బాయి రామ్ చరణ్ అని చెప్పే స్థాయి నుంచి ప్రస్తుతం చిన్న పిల్లలు రామ్ చరణ్ తండ్రి అనే స్థాయికి రావటం నాకు నిజంగా చాలా ఆనందంగా ఉంది. అలాగే రవిరాజా పినిశెట్టి కొడుకు ఆది అనే స్థాయి నుంచి ఆది తండ్రి రవిరాజా పినిశెట్టి అని జనం చేప్పుకునే స్థాయికి ఆది ఎదగాలని కోరుకుంటున్నాను.ఈ చిత్రంలో ఆది చాలా కష్టపడ్డాడని ట్రైలర్ చూస్తేనే తెలుస్తుంది. ఈ చిత్రం ఘనవిజయం సాధించాలని కోరుతూ, ఈ చిత్రం యూనిట్ కి ఆల్ ది బెస్ట్ చెపుతున్నాను" అని అన్నారు.