English | Telugu
యు.యస్.లో నాగార్జున "రాజన్న" ప్రీమియర్ 21 న
Updated : Dec 17, 2011
యు.యస్.లో నాగార్జున "రాజన్న" ప్రీమియర్ 21 న జరుగనుందని విశ్వసనీయవర్గాల ద్వారా అందిన సమాచారం. అన్నపూర్ణ ఇంటర్నేషనల్ పతాకంపై, ప్రముఖ సినీ కథా రచయిత, దర్శకుడు రాజమౌళి తండ్రి అయిన వి.విజయేంద్ర ప్రసాద్ దర్శకత్వంలో, యువసామ్రాట్ అక్కినేని నాగార్జున రాజన్నగా నటిస్తూ నిర్మించిన చిత్రం "రాజన్న". కీరవాణి ఈ "రాజన్న" చిత్రానికి చక్కని సంగీతాన్ని అందించారు. ఈ చిత్రాన్ని యువసామ్రాట్ నాగార్జున విశాఖపట్టణంలోని ఐనాక్స్ థియేటర్లో డిసెంబర్ 22 వ తేదీన చూస్తుంటే, డిసెంబర్ 21 వ తేదీన యు.యస్.లో ఈ "రాజన్న" చిత్రం యొక్క ప్రీమియర్ షో జరుగనుంది.
"రాజన్న" చిత్రాన్ని అన్నపూర్ణ ఇంటర్నేషనల్ పతాకంపై, నాగార్జున తానే స్వయంగా ఓవర్ సీస్ లో విడుదల చేస్తున్నారు. ఈ చిత్రం మీద ఉన్న నమ్మకంతోనే నాగార్జున ఈ చిత్రం కథనంతా మీడియాకు తెలియజేశారు. ఈ సినిమా తన సినీ జీవితంలో మరచిపోలేని ఒక మంచి చిత్రంగా నిలిచిపోతుందని నాగార్జున మీడియాతో అనటం ఆయనకీ చిత్రం మీద ఉన్న నమ్మకాన్ని తెలియజేస్తోంది.