English | Telugu
బాలయ్య వందో సినిమాకోసమేనా ఈ మీసం..?
Updated : Mar 20, 2016
బాలకృష్ణ ఏ సినిమా చేసినా, అందుల్లో కొత్తదనం ఉండేలా చూసుకుంటారు. అలాంటిది తన వందో సినిమాకోసం ఇంకెంత ఆలోచించి ఉంటారో అన్న అనుమానం ఫ్యాన్స్ కు కలగకమానదు. సింహా దగ్గర్నుంచి మొదలెట్టి, బాలయ్య తన మీసంలో బాగా వెరైటీని చూపించే ప్రయత్నం చేస్తున్నారు. మీసం డిఫరెంట్ గా ఉంచితే, ఆ సినిమా హిట్టేనని బాలయ్యకు గట్టి నమ్మకం. దాన్ని ప్రూవ్ చేస్తూ మీసం తిప్పిన బొబ్బిలి సింహం, సమరసింహారెడ్డి, చెన్నకేశవరెడ్డి, డిఫరెంట్ మీసకట్టును ఫాలో అయిన సింహా, లెజండ్ లాంటి సినిమాలు సూపర్ డూపర్ హిట్టయ్యాయి. ఇంతకూ బాలయ్య లేటెస్ట్ లుక్ మీరు చూశారా..?
తన మీసం నుంచే కొన్ని సినిమాలు పుట్టాయని బాలయ్య చెబుతుంటారు. తాజాగా క్రిష్ తో చేయబోయే వందో సినిమా గౌతమీ పుత్ర శాతకర్ణి ఆల్ మోస్ట్ కన్ఫామ్ అని వార్తలు వస్తున్నాయి. ఆ సినిమా కోసమే బాలయ్య ఇలా కొత్త మీసకట్టును పెంచబోతున్నారా..? చక్రవర్తి గెటప్ కు తన మీసంతో అందాన్ని జోడించబోతున్నారా..? ఈ ప్రశ్నలకు సమాధానం తెలియాలంటే, మరో కొద్ది రోజుల్లో బాలయ్య స్వయంగా ఎనౌన్స్ చేసేవరకూ ఆగాల్సిందే..లుక్కైతే అదిరింది మరి..ఏమంటారు..?