English | Telugu
షాకింగ్.. సింగర్ మంగ్లీ బర్త్ డే పార్టీలో డ్రగ్స్ కలకలం!
Updated : Jun 11, 2025
టాలీవుడ్ లో మరోసారి డ్రగ్స్ కలకలం రేపుతోంది. టాలీవుడ్ కి చెందిన ప్రముఖ సింగర్ మంగ్లీ బర్త్ డే పార్టీలో డ్రగ్స్ పట్టుబడినట్లు వార్తలొస్తున్నాయి. జూన్ 10న సింగర్ మంగ్లీ పుట్టినరోజు. ఈ సందర్భంగా చేవెళ్ల త్రిపుర రిసార్టులో బర్త్ డే పార్టీని నిర్వహించారు. అయితే ఆ రిసార్ట్పై దాడులు నిర్వహించిన పోలీసులు.. పార్టీలో గంజాయి, విదేశీ మద్యాన్ని పట్టుకున్నట్లు తెలుస్తోంది. పార్టీకి హాజరైన వారికి డ్రగ్ పరీక్షలు చేయగా, పలువురికి పాజిటివ్ వచ్చినట్లు సమాచారం. ఈ ఘటన పై కేసు నమోదు చేసిన పోలీసులు.. దర్యాప్తు చేస్తున్నారు. మరింత సమాచారం తెలియాల్సి ఉంది.
టీవీ షోలు చేస్తూ.. ప్రైవేట్ ఆల్బమ్స్ లో ఫోక్ సింగర్ గా మంచి గుర్తింపు తెచ్చుకున్న మంగ్లీ.. ఆ తర్వాత సినిమాల్లో అవకాశాలు పొందింది. ప్రస్తుతం టాలీవుడ్ లో వరుస పాటలతో దూసుకుపోతూ టాప్ సింగర్స్ లో ఒకరిగా పేరు పొందింది. అలాంటి మంగ్లీ బర్త్ డే పార్టీలో డ్రగ్స్ పట్టుబడ్డాయి అనే వార్త సంచలనంగా మారింది. మరి దీనిపై మంగ్లీ ఎలా స్పందిస్తుందో చూడాలి.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.