సూపర్ స్టార్ మహేష్ బాబు(Mahesh Babu)క్రియేటివ్ డైరెక్టర్ సుకుమార్(Sukumar)కాంబోలో 2014 సంక్రాంతి కానుకగా ప్రేక్షకుల ముందుకు వచ్చిన మూవీ '1 నేనొక్కడినే'(1 Nenokkadine). సైకలాజికల్ థ్రిలర్ గా తెరకెక్కిన ఈ మూవీని '14 రీల్స్ ఎంటర్ టైన్ మెంట్' అత్యంత భారీ వ్యయంతో నిర్మించింది. మహేష్ ఈ మూవీలో 'ఇంటిగ్రేషన్ డిజార్దర్' తో బాధపడే వ్యక్తిగా నటించాడు. అంటే మెదడుకి అన్ని విషయాల్ని గుర్తు పెట్టుకునే సామర్ధ్యం ఉండదు. అటువంటి ఇబ్బంది పడే క్యారక్టర్ లో మహేష్ అద్భుతంగా నటించాడు. ప్రేక్షకులు సినిమా చూస్తున్నంత సేపు, ఎప్పుడు ఏం జరుగుతుందనే విధంగా కథనాలు సాగుతాయి. కాకపోతే పెద్దగా ప్రేక్షకాదరణ పొందలేకపోయింది.

రీసెంట్ గా ని 14 రీల్స్ అధినేతలో ఒకరైన 'అనిల్ సుంకర'(Anil Sunkara)ఒక ఇంటర్వ్యూలో మాట్లాడుతు భారీ స్టార్ డమ్ కలిగి ఉన్న 'మహేష్' ని అభిమానులు,ప్రేక్షకులు 'ఇంటిగ్రేషన్ డిజార్దర్ వ్యక్తిగా విజువల్ చేసుకోలేకపోయారు. ఫస్ట్ కట్ చూడగానే, ఎక్కడో తేడా కొడుతుందని అనుకున్నాను. ఎలా రెస్పాండ్ అవ్వాలో కూడా తెలియలేదు. మహేష్ తో కాకుండా నాని లాంటి హీరోతో చేసుండాల్సింది. సబ్జెట్ ప్రకారం హీరోకి ఇమేజ్ ఉండకూడదు. నాని హీరోగా అప్పుడప్పుడే నోటెడ్ అవుతున్నాడు. అందుకే నాని తో చేసుంటే సినిమా హిట్ అయ్యేది. ప్రొడ్యూసర్ గా కాకుండా సూపర్ కృష్ణ, మహేష్ బాబు ఫ్యాన్ గా ఈ విషయాన్నీ చెప్తున్నానని తెలిపాడు.

అప్పట్లో ఇంటర్నెట్ మూవీ డేటాబేస్ లో '1 నేనొక్కడినే' భారతీయ సినిమా చరిత్రలో అత్యధికపాయింట్లు పొందిన సినిమాగా చరిత్ర సృష్టించింది. ప్రముఖ అంతర్జాతీయ అంతర్జాలం సైట్ లో నిర్వహించిన సర్వేలో సైతం, ప్రపంచంలోనే నాల్గవ స్థానంలో నిలిచి తెలుగు సినిమా స్థాయిని పెంచింది, మహేష్ తో 'అనిల్ సుంకర దూకుడు, ఆగడు సరిలేరు నీకెవ్వరు వంటి చిత్రాలు కూడా నిర్మించాడు. ఏ కే ఎంటర్ టైన్ మెంట్ అనే మరో బ్యానర్ నిర్మాణంలో మహాసముద్రం, భోళా శంకర్, మజాకా వంటి పలు విభిన్నమైన చిత్రాలు నిర్మించాడు.