నాగార్జున చేతుల మీదుగా 100% లవ్ ఆడియో రిలీజ్ చెయ్యబడింది. వివరాల్లోకి వెళితే, గీతా ఆర్ట్స్ పతాకంపై, నాగచైతన్య హీరోగా, మిల్కీ వైట్ బ్యూటీ తమన్నా హీరోయిన్ గా, సుకుమార్ దర్శకత్వంలో, బన్నీ వాసు నిర్మిస్తున్న "100% లవ్" చిత్రం యొక్క ఆడియో రిలీజ్ ఏప్రెల్ 11 వ తేదీ రాత్రి, హైదరాబాద్ రాక్ గార్డెన్స్ లో, యువసామ్రాట్ అక్కినేని నాగార్జున చేతుల మీదుగా యువ హీరో రామ్ తొలి సి.డి.ని అందుకుని మరో యువ హీరో అల్లు అర్జున్ చేతికందించగా, ఆదిత్య మ్యూజిక్ ద్వారా మార్కెట్లోకి విడుదల చేయబడింది.

అనంతరం అల్లు అర్జున్ మాట్లాడుతూ "మా నాన్న, నా డైరెక్టర్ సుకుమార్, నా దేవీ శ్రీ ప్రసాద్, నా హీరోయిన్ తమన్నా, ఈ చిత్ర నిర్మాత నా ఫ్రెండ్ నా సక్సస్ లో సగభాగం అతనిదే. పేరులోనే బన్నీఅని పెట్టుకున్నాడు. బన్నీ వాసుగా.ఈ సినిమా నేను చుశాను. 100% హిట్. హ్యాపీడేస్‍ తో వచ్చిన తమన్నా మా బ్యానర్ లో రెండు సినిమాలు చేస్తోంది. ఇక దేవీ, సుకుమార్ కాంబో అంటే సుపర్ హిట్టే. వాళ్ళు కాన్సెప్ట్ తో సాంగ్స్ చేస్తారు. నాకీ కథ నచ్చి ఈ సినిమా చేస్తానంటే మా బాబు నా దగ్గర్నుండి ఈ సినిమా లాగేసుకుని "నువ్వు బద్రీనాథ్ చెయ్యి నాన్నా, నేనీ సినిమా చేసుకుంటాను అన్నారు. నాగచైతన్య ఎల్డర్ బ్రదర్ నాగార్జున గారినిప్పుడు మాట్లాడాల్సిందిగా కోరుతున్నా" అని అన్నారు.

నాగార్జున ప్రసంగిస్తూ " బన్నీ మాట్లాడినప్పుడు మా ఫ్యాన్సంతా చప్పట్లు కొట్టడం చాలా ఆనందంగా ఉంది. అక్కినేని ఫ్యాన్స్ కల్చరేంటో చూపించారు. గీతా ఆర్ట్స్ లాంటి బ్యానర్ లో, అరవింద్ గారి లాంటి నిర్మాత, సుకుమార్ వంటి డైరెక్టర్ వద్ద పనిచేస్తే చాలా నేర్చుకోవచ్చు. ఇక దేవీ నాకు మన్మధుడు, మాస్, కింగ్ ఇచ్చాడు. రేపు "ఢమరుకం" ఇవ్వబోతున్నాడు. ఈ ఆల్బమ్‍ లో నాకు "డియ్యాలో డియ్యాల" పాట బాగా నచ్చింది. నేను స్టేజ్ ఎక్కే ముందు థాయ్ ల్యాండ్ లో ఉన్న నాగచైతన్యతో మాట్లాడి నీ తరపున ఏమన్నా చెప్పమంటావా అని అడిగాను. నాన్నా ఐ లవ్ మై ఫ్యాన్స్ 100%. అలాగే వాళ్ళకి సారీ కూడా చెప్పమన్నాడు" అని అన్నారు. అనంతరం అక్కినేని అభిమానులు నాగార్జునను గజమాలలతో సత్కరించారు.