తెలంగాణ హోం శాఖా మంత్రి మొహమ్మద్ అలీని ప్రగతి భవన్‌లోకి అనుమతించలేదు. ఈ విష‌యం రాష్ట్రంలో చర్చనీయాంశంగా మారింది. హోంమంత్రికి ప్రగతిభవన్‌లో నేరుగా ప్రవేశం లభించలేదు. కరోనా వైరస్‌ నియంత్రణ చర్యలపై బుధవారం సీఎం కేసీఆర్ సమీక్ష నిర్వహిస్తున్న సమయంలోనే మహమూద్‌ అలీ ప్రగతి భవన్‌కు వచ్చారు. అయితే ప్రగతిభవన్‌ ప్రవేశ ద్వారం వద్దే ఆయనను భద్రతా సిబ్బంది నిలిపేశారు. కొంతసేపు అక్కడే వేచిచూసిన మహమూద్‌ అలీ తిరిగి వెళ్లిపోయారు.

ఆ త‌రువాత ఆదివారం నాడు అదే ప్రగతి భవన్‌లో ముఖ్యమంత్రి కె. చంద్ర శేఖర్ రావు సమీక్షా సమావేశం నిర్వహించారు, ఇందులో ఆరోగ్య మంత్రి ఈటేలా రాజేందర్, వ్యవసాయ మంత్రి మైనర్ నిరంజన్ రెడ్డి, ప్రధాన కార్యదర్శి సోమేష్ కుమార్, డిజిపి మహేందర్ రెడ్డి, వ్యవసాయ కార్యదర్శి జనార్థన్ రెడ్డి, పౌర సరఫరా కమిషనర్ సత్య నారాయణ్ రెడ్డి, ప్రధాన కార్యదర్శులు నర్సింగ్ రావు, శాంత కుమారి, రామ కృష్ణారావు ఉన్నారు. కానీ హోం మంత్రి మొహమ్మద్ అలీ క‌నిపించ‌లేదు. ఈ సంక్షోభ పరిస్థితిలో ఆ కీలకమైన సమావేశంలో, హోమ్ మినిస్టర్ హాజరు కాలేదు. సమీక్షా సమావేశంలో పాల్గొనమని కెసిఆర్ కోరారా లేదా అనేది తెలియ‌దు. నిజంగా సిఎం, హోం మినిస్ట‌ర్ మ‌ధ్య ఏదో న‌డుస్తోందా? లేక హోం మినిస్ట‌ర్ త‌బ్లీక్ జ‌మాత్ వారితోకానీ, వారి బంధువుల‌తో కానీ క‌లిసి వుంటార‌నే భ‌యంతో దూరం పెట్టారా?
అని చ‌ర్చ జ‌రుగుతోంది. అయితే తనకు ప్రగతి భవన్‌లోకి అనుమతించలేదని వస్తున్న వార్తల్లో వాస్తవం లేదని హోంమంత్రి మహమూద్ అలీ వివరణ ఇస్తూ ప్రకటన కూడా విడుదల చేశారు.

అయితే నిన్నమంగ‌ళ‌వారం నాడు ఎం.ఐ.ఎం. నేత‌ల‌తో ప్ర‌గ‌తిభ‌వ‌న్‌లో క‌లిసిన ముఖ్య‌మంత్రి కేసీఆర్ సామాజిక‌దూరాన్ని కూడా మ‌రిచి అంత ఆప్యాయ‌త‌తో క‌లిశార‌ట‌. సి.ఎం. కేసీఆర్ స్టైల్ వేరు.