"లెజెండ్" సినిమాలో బాలకృష్ణతో కలిసి నటించిన రాధికా ఆప్టేకు ప్రస్తుతం అవకాశాలు బాగానే వస్తున్నాయి. తాజాగా వెంకటేష్ ప్రధాన పాత్రలో నటించనున్న "ఓ మై గాడ్" చిత్ర రీమేక్ లో వెంకటేష్ కు జోడిగా రాధికను ఎంపిక చేసుకున్నట్లు తెలిసింది. ముందుగా ఈ పాత్ర కోసం నయనతారను అనుకున్నారు. కానీ రెమ్యునరేషన్ విషయంలో మనస్పర్ధలు రావడంతో ఈ ప్రాజెక్టు నుండి నయనతార తప్పుకుంది. దాంతో ఆ ఛాన్స్ రాధికకి దక్కింది. ఈ చిత్రంలో కృష్ణుడి పాత్రలో పవన్ కళ్యాణ్ నటించనున్నాడు. ఈ చిత్రాన్ని సురేష్ ప్రొడక్షన్స్ బ్యానర్లో నిర్మాత సురేష్ బాబు నిర్మిస్తున్నారు. ఈ చిత్రానికి డాలీ దర్శకత్వం వహించే అవకాశాలున్నాయి. ప్రస్తుతం "దృశ్యం" షూటింగ్ లో వెంకటేష్ బిజీగా ఉన్నాడు. ఇందులో వెంకీ సరసన మీనా జోడి కట్టింది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.