డార్లింగ్ లేడీ అన‌గానే ఇంత‌కు ముంద‌యితే ఎవ‌రూ... అంటూ ఆరా తీసేవారు. కానీ ఆదిపురుష్ సినిమా స్టార్ట్ అయిన‌ప్ప‌టి నుంచీ కృతిస‌నన్ అంద‌రికీ డార్లింగ్ లేడీగా మారిపోయారు. కృతిస‌న‌న్ హీరోయిన్‌గా, షాహిద్ క‌పూర్ హీరోగా ఓ సినిమా తెర‌కెక్కుతోంది. ఈ సినిమా కోసం ఓ స్పెష‌ల్ సాంగ్ చేస్తున్నారు షాహిద్ క‌పూర్‌. హార్ట్ వ‌ర్క్, టాలెంట్ ఉన్న ఇద్ద‌రు న‌టులు స్క్రీన్ మీద ఎంట‌ర్‌టైన్ చేస్తే ఎలా ఉంటుందో చూడాల‌నుకుంటే ఈ సినిమాను మిస్ కావ‌ద్ద‌ని అంటున్నారు యూనిట్ మెంబ‌ర్స్. ఈ సినిమా కోసం షాహిద్ స్పెష‌ల్‌గా స్టెప్స్ నేర్చుకున్నారు.

ముంబైలో ఈ షూటింగ్ జ‌రుగుతోంది. ఈ పాట కోసం మాసివ్ సెట్ వేశారు. ఇటీవ‌ల జ‌వాన్‌లో మాసివ్ సెట్స్, మాసివ్ గ్రాండియ‌ర్‌ని చూసిన త‌ర్వాత ఎవ‌రూ త‌గ్గాల‌ని అనుకోవ‌డం లేదు. అందుకే షాహిద్ మూవీ సాంగ్‌కి కూడా మాసివ్ సెట్‌ని వేశారు. ఈ పాట చూసిన వారే కాదు, విన్న వారు కూడా కాలు క‌ద‌ప‌కుండా కూర్చోవ‌డం క‌ష్టం. అంత‌గా ఆక‌ట్టుకునేలా ఉంటుంద‌ట ట్యూన్‌. ఈ పాట‌లో షాహిద్ డ్యాన్స్ మ్యాజిక్‌ని చూసి తీరాల్సిందే అంటున్నారు మేక‌ర్స్. షాహిద్‌, కృతి స‌న‌న్ ఇంత‌కు ముందు క‌లిసి సినిమా చేయ‌లేదు. వారిద్ద‌రూ క‌లిసి చేయ‌డం ఇదే ఫ‌స్ట్ టైమ్‌. మాడోక్ ఫిల్మ్స్ ఈ సినిమాను తెర‌కెక్కిస్తోంది. అక్టోబ‌ర్‌లో విడుద‌ల చేయ‌డానికి స‌న్నాహాలు చేశారు. అయితే తాజాగా ఈ సినిమా వాయిదా వేసిన విష‌యాన్ని ప్ర‌క‌టించారు. ఈ ఏడాది డిసెంబ‌ర్ 7న విడుద‌ల చేయ‌నున్నారు ఈ సినిమాను. ధ‌ర్మేంద్ర‌, డింపుల్ క‌పాడియాతో పాటు ప‌లువురు ఈ సినిమాలో న‌టిస్తున్నారు.