విజ‌య‌వంత‌మైన చిత్రాల‌కు చిరునామాగా నిలిచిన ద‌ర్శ‌కుల్లో క‌ర‌ణ్ జోహార్ ఒక‌రు. స‌క్సెస్ రేట్ ఎక్కువ ఉన్న బాలీవుడ్ డైరెక్ట‌ర్స్ లో ఒక‌రిగా మన్న‌న‌లు పొందిన క‌ర‌ణ్.. షారూక్ ఖాన్, కాజోల్ జంట‌గా న‌టించిన `కుచ్ కుచ్ హోతా హై` (1998) కోసం తొలిసారిగా మెగాఫోన్ ప‌ట్టాడు. మొద‌టి ప్ర‌య‌త్నంలోనే సంచ‌ల‌నం విజ‌యం సాధించాడు. ఆపై ఇదే జంట‌తో పాటు బిగ్ బి అమితాబ్ బ‌చ్చ‌న్ - జ‌యా భాదురి, హృతిక్ రోష‌న్ - క‌రీనా క‌పూర్ ప్ర‌ధాన జోడీలుగా త‌న ద్వితీయ చిత్రం `క‌భీ ఖుషి క‌భీ ఘ‌మ్` తీశాడు. ఫ్యామిలీ ఎంట‌ర్టైన‌ర్ గా రూపొందిన ఈ సినిమా 210 నిమిషాల నిడివితో సాగినా బాక్సాఫీస్ ముంగిట అఖండ విజ‌యం సాధించ‌డం విశేషం.

ఢీ 14: సుధీర్ పోయి సార్థ‌క్ వ‌చ్చె.. ఏం జ‌రిగిందో!?

మూడు వేర్వేరు త‌రాల‌కు చెందిన ముగ్గురు స్టార్స్ (బిగ్ బి, షారూక్, హృతిక్)తో క‌ర‌ణ్ చేసిన ఈ మ‌ల్టిస్టార‌ర్ ప్ర‌య‌త్నం.. భార‌తీయ ప్రేక్ష‌కుల‌నే కాదు ఓవ‌ర్సీస్ లోనూ రంజింప‌జేసింది. ఎమోష‌న్స్, పెర్ఫార్మెన్సెస్, సాంగ్స్, టెక్నిక‌ల్ టీమ్ మాయాజాలం.. వెర‌సి `కే3జీ` (క‌భీ ఖుషి క‌భీ ఘ‌మ్) భార‌తీయ చిత్ర ప‌రిశ్ర‌మ‌లో ఓ క్లాసిక్ గా నిలిచింది. ప్రేక్ష‌కుల రివార్డుల‌తో పాటు 5 ఫిల్మ్ ఫేర్ అవార్డ్స్ సైతం సొంతం చేసుకుంది. 2001 డిసెంబ‌ర్ 14న విడుద‌లై జ‌న‌నీరాజ‌నాలు అందుకున్న `క‌భీ ఖుషి క‌భీ ఘ‌మ్`.. నేటితో 20 వ‌సంతాలు పూర్తిచేసుకుంది.