హీరోయిన్‌గా ప‌లు భాష‌ల్లో ఒక వెలుగు వెలిగిన త‌మ‌న్నా.. ఎంతో కాలంగా ఐట‌మ్ సాంగ్స్‌పై దృష్టి పెట్టింది. ఇప్ప‌టికే లెక్క‌కు మించిన సాంగ్స్ చేసి ఐట‌మ్ గ‌ర్ల్‌గా మంచి పాపులారిటీ సంపాదించుంది. ఇప్పుడు ఐట‌మ్ సాంగ్స్‌లో ఒక అరుదైన రికార్డును క్రియేట్ చేసింది. త‌న అందంతో, డాన్సుల‌తో అంద‌ర్నీ ఉర్రూత‌లూగించిన ఆజ్ కీ రాత్ సాంగ్ ఇప్పుడు కొత్త రికార్డు క్రియేట్ చేసింది. తాజాగా ఆజ్ కీ రాత్ వీడియో సాంగ్ 100 కోట్ల వ్యూస్ ను క్రాస్ చేసింది. మొద‌టి వ్యూ నుంచి 1 బిలియ‌న్ వ్యూస్ వ‌ర‌కు.. ఆజ్ కీ రాత్ సాంగ్ అరుదైన రికార్డును అందుకున్న కార‌ణంగా త‌మ‌న్నా సోష‌ల్ మీడియాలో త‌న ఆనందాన్ని వ్య‌క్తం చేశారు. త‌న ఆనందాన్ని తెలియ‌చేస్తూ త‌మ‌న్నా ఓ వీడియోను పోస్ట్ చేయ‌గా, ఆ వీడియోలో సాంగ్ షూటింగ్ నాటి బిహైండ్ సీన్స్ క్లిప్స్ ను షేర్ చేశారు.

ఈ సాంగ్ ఫ‌స్ట్ వ్యూ నుంచి 1 బిలియ‌న్ వ్యూస్ వ‌ర‌కు ఎంతో ప్రేమ‌ను కురిపించినందుకు త‌మ‌న్నా అంద‌రికీ థ్యాంక్స్ అంటూ క్యాప్ష‌న్ ఇచ్చారు. భారీ క‌లెక్ష‌న్ల‌ను అందుకున్న స్త్రీ2 చిత్రంలోని ఈ పాట‌లో త‌మ‌న్నా కుర్ర‌కారుకి పిచ్చెక్కించింది. 1 బిలియ‌న్ వ్యూస్‌కి థాంక్స్ చెబుతూ పెట్టిన పోస్ట్‌తోపాటు సాంగ్ మేకింగ్ క్లిప్‌ను పోస్ట్ చేశారు. అందులో సాంగ్‌లోని ఒక షాట్ పూర్త‌యిన త‌ర్వాత కొరియోగ్రాఫ‌ర్ విజ‌య్ గంగూలీ చాలా బాగా వ‌చ్చింది అంటూనే మ‌రో టేక్ చేద్దామా అన‌గా, త‌మ‌న్నా స‌ర‌దాగా నో అని అరిచిన క్లిప్ ఇప్పుడు ఫ్యాన్స్ ను విప‌రీతంగా ఆక‌ట్టుకుంటోంది.

రాజ్‌కుమార్ రావు, శ్ర‌ద్ధా క‌పూర్ జంట‌గా న‌టించిన స్త్రీ సినిమాకు అమ‌ర్ కౌశిక్ ద‌ర్శ‌క‌త్వం వ‌హించగా, ఈ సినిమా బాక్సాఫీస్ వ‌ద్ద మంచి క‌లెక్ష‌న్ల‌ను అందుకుని ఆ ఏడాదిలోని అతి పెద్ద హిట్ల‌లో ఒక‌టిగా నిలిచింది. ఆజ్ కి రాత్ పాట‌కు స‌చిన్- జిగర్ మ్యూజిక్ అందించ‌గా, మ‌ధుబంతి బాగ్చి, దివ్య కుమార్ ఆల‌పిచారు. అమితాబ్ భ‌ట్టాచార్య ఆజ్ కీ రాత్ సాంగ్ కు సాహిత్యం అందించారు.