అంటరాని 

ఇంట పుట్టిననేమిరా ?

ఉన్నతభావాలు వున్న

ఉదారహృదయులైన 

మంచి మనసున్న మహాత్ముల

మహనీయుల మహారాజుల

ఆర్థికఅండతో విదేశాలకేగేనురా

విశ్వవిద్యాలయాలలో

ఉన్నత విద్యనార్జించేనురా

రాజ్యాన్ని 

ఏలకున్ననేమిరా ?

రారాజులా రాజ్యాంగ రచన చేసి

అస్పృశ్యుల చీకటి బ్రతుకుల్లో 

అమృతం కురిపించేనురా

సిరిసంపదలు 

లేకున్ననేమిరా?

శ్రీమంతుడు కాకున్ననేమిరా ?

కృషితో కసితో అకుంఠితదీక్షతో  

జ్ఞానతృష్ణతో గట్టిపట్టుదలతో

విజ్ఞానమనే సిరిసంపదలను 

ఆనార్జించేనురా

వినువీధుల్లో విమానాల్లో 

విదేశాల్లో విహరించేనురా

విశ్వవిజేతగా అవతరించేనురా

ఆ మహావ్యక్తే ఆ అద్భుతశక్తే 

అమరజీవి అంబేద్కర్

అణగద్రొక్కబడిన అడుగునున్న 

బడుగుజీవులకు "ఆశాకిరణం"...

అభాగ్యులకు అనాధలకు 

ఆయనే "శరణం"...

ఆకలికి అలమటించే పేదప్రజలకు

ఆయనే "ప్రత్యక్ష దైవం"...