నీవు ఆవులా

అమాయకంగా ఉన్నంతకాలం 

నీవు మేకలా 

మౌనంగా ఉన్నంతకాలం 

నీవు జింకలా

జంకుతున్నంతకాలం 

నీవు బావిలో 

కప్పలా బ్రతుకుతున్నంతకాలం 

సింహాలు నిన్ను 

వెంటాడుతూనే ఉంటాయి 

పులులు నిన్ను 

వేటాడుతూనే ఉంటాయి 

ఓ మనిషీ నిజానికి

నీలో దమ్ముంది 

నీలో ధైర్యముంది 

నీలో గొడ్డుచాకిరీచేసే 

గుణముంది 

నీ లోపగఉంది 

నీలో పట్టుదలఉంది

నీపై వారితో మాట 

పడకూడదనే రోషముంది 

అవసరమైతే నీవు 

గుర్రంలా పరిగెత్తగలవు

ఏనుగులా 

ఏంతటిపనినైనా చేయగలవు 

సంధ్య వేళయిందని

సమయం మించిపోయిందని 

నిరాశ చెందకు

తొలిపొద్దు పొడుస్తుంది 

అదిగో తెల్లవారుతుంది 

అవిగో అరుణకిరణాలు 

అవిగో ఆనందభాష్పాలు 

అదిగో నవలోకం అదిగో నవలోకమే

అది నీ కోసం అది నీ కోసమే 

నీవు నీ ఇష్టదైవాన్ని మొక్కాలి 

నీవు ఎవరెస్టు శిఖరం  ఎక్కాలి

నీకు శ్రమకు ఫలితం దక్కాలి 

నీ ప్రతిభకు పట్టాభిషేకం జరగాలి