ఎప్పుడైనా ఎవడైనా నీ శత్రువు 

నిన్ను కుడిచెంపమీద కొడితే 

ఎడమచెంప చూపమని 

క్షమాగుణం కలిగుండమని పలికె

కరుణామయుడైన ఆ జీజస్ క్రైస్ట్

వద్దు వద్దు వెంటనే 

గన్నుతో కాల్చి పడెయ్

పీడవిరగడై పోతుందని పలికె

అడవిలో ఓ నక్సలైట్ ఆవేశంగా

వద్దు వద్దు ఓపికపట్టు 

పెన్నుతో రాజ్యాంగబద్దంగా

నిరంతరం పోరాడమని పలికే 

రాజ్యాంగశిల్పి డాక్టర్ బి ఆర్ అంబేడ్కర్

వద్దు వద్దు ఒంటరిగా వద్దు 

బలమైన ఒక సంఘటిత శక్తిగా 

శతృమూకలను ఎదిర్కోమని పలికె 

అహింసామూర్తియైన ఆ బుద్దభగవాన్

చరిత్ర తిరగేస్తే తెలిసిందో నగ్నసత్యం 

కస్సుబుస్సుమనే చాటుమాటుగా కాటేసే 

కోరల్లో విషముండే కోడెనాగులు సైతం 

బుద్దికలిగి ఒద్దికగా యుద్దానికి సిద్ధమైన

చలిచీమల చేజిక్కి సంహరించబడ్డాయని 

అందుకే ఓ బహుజనులారా! 

ఇకనైనా మీశక్తి మీరు తెలుసుకోండి! 

మీరు‌ చీమలుకాదు...సింహాలని...

పూరిగుడిసెలో...పుట్టిన పులులుమీరని...