మీరు తృప్తిగా తింటే మాకు పుణ్యమంటూ
మీ కడుపు నిండితే మా జన్మధన్యమంటూ
ఆకులేసి తినండి తినండి అంటే ఎలాగ?
ఆకుల్లో అన్నం పెట్టకుండా ......

మీరు గురితప్పని వేటగాల్లో,
వెర్రివెంగలప్పలో నేడే తేలిపోవాలంటూ
అందరికి గన్నులిచ్చి కాల్చండి కాల్చండి
అంటే ఎలాగ?
కాల్చేందుకు బులెట్లు ఇవ్వకుండా......

గట్టిగా పోరాడి మీ ప్రత్యర్థులను
మట్టి కరిపించాలంటూ
ఘనవిజయాన్ని తప్పక సాధించాలంటూ
ఆడండి ఆడండి ఆటలంటే ఎలాగ ?
గట్టిగా కాళ్ళు చేతులు కట్టేసి......

అందుకే సరైన శిక్షణనివ్వాలి
అందరికి అవకాశాలందించాలి
అగ్నిపరీక్షలు పెట్టాలి

మట్టిలో మాణిక్యాలుంటాయి
రాళ్ళలో రత్నాలుంటాయి
రాత్రింబవళ్ళు సానపట్టాలి

పరీక్షలో నెగ్గినవాడే నేర్పరి
తాడో పేడో తేల్చినవాడే తీర్పరి