ఏమిలాభం ? ఏమిలాభం ?

ముందుచూపు లేనివారి నెత్తిన

ఎన్ని ముత్యాలు పోసినా

ఏమిలాభం? ఏమిలాభం?

వారికి వాటి విలువ తెలియదుగా ...

ఏమిలాభం ? ఏమిలాభం ?

ఆస్తి మీద ఆశలేని నిరాశావాదులకి

ఎన్ని మంచి ఆదాయమార్గాలు చూపినా

ఎన్ని చక్కని సలహాలిచ్చినా ?

ఏమిలాభం? ఏమిలాభం?

వారు అవి స్వీకరించరుగా ...

చక్కిలిగింత లేనివారిని

ఎంతగా గిల్లినా ఎంత గిచ్చినా

ఏమిలాభం ? ఏమిలాభం ?

వారసలు నవ్వనే నవ్వరుగా...

భయమూ భక్తి, వినయమూ విధేయత

తల్లిదండ్రులపై ప్రేమ,గురువులంటే గౌరవంలేని,

విద్యార్థులకెన్నిపాఠాలు చెప్పి ఎంత శిక్షణిచ్చినా

ఏమిలాభం? ఏమిలాభం ?

బుర్రకెక్కితేగా,బుద్ది వికసిస్తేగా...

బద్దకమూ,సోమరితనం తప్ప

చేసేపనిపై ఏకాగ్రతలేని ఉద్యోగికెంత

జీతమిచ్చి,ఎన్ని ప్రమోషన్లిచ్చినా

ఏమిలాభం? ఏమిలాభం ?

సంస్థ అంటే గౌరవముంటేగా...

వారెవరినీ నమ్మరు,ఎంత చెప్పినా వినరు

వారొట్టి మట్టి ఏనుగులు, బావిలో కప్పలు

రెక్కలున్నా ఎగరలేని పక్షులు, 

కారణం,వారికి పైకి ఎదగడం,

తెలివిగా బ్రతకడం తెలియదు కాబట్టి.