ఒక ఐడియా జీవితాన్నే 

మార్చేస్తుంది అన్నది పచ్చినిజం 

కారణం ఒక చిన్న నిప్పురవ్వ 

కారడవినిదహించి వేస్తుంది 

ఒక చిన్నరంధ్రం వందల 

టన్నుల బరువైన ఓడను 

సముద్రగర్భంలో ముంచివేస్తుంది 

ఒక చిన్న చిరుదీపం 

చిమ్మచీకట్లను చీల్చివేస్తుంది  

వెన్నెలవెలుగుల్ని విరజిమ్ముతుంది 

సూక్ష్మ మైనవాటిలోనే

అత్యంత అనంతమైన 

అఖండమైన శక్తి దాగిఉంటుంది 

అన్నది నగ్నసత్యం

ఔను ఒక చిన్నచిరునవ్వు 

కోటిలోపాలను కప్పిపుచ్చుతుంది 

లెక్కలేనన్ని పనులు 

సక్రమంగా జరగడానికి 

చక్కని రాజమార్గం చూపుతుంది 

చీకటి కమ్మిన ఎన్నో 

ముఖాల్లో చిరునవ్వుల

జ్యోతులను వెలిగిస్తుంది 

రోజంతా ఉత్సాహంగా 

ఉల్లాసంగా ఆనందంగా 

పరమానందంగా సంతోషంగా 

గంతులు వేసేలా చేస్తుంది 

ఒక కొత్త శక్తినందిస్తుంది,అందుకే 

చిన్నగా నవ్వు...చిరునవ్వు నవ్వు

నవ్వుతూ ఉండు...నలుగురిలోఉండు 

నలుగురికి...నవ్వులు...పంచుతూ వెళ్ళిపో